MÍ DÓNA TINDO AYIHA DOPO PO VIVẸNU PO, PO KÀNṢIṢA DE PO PANNUKỌN ONÚ YÀNWLE DOPOLỌ.
(TENU NÚDÙDÙ OKLUNỌ TỌN PO AFỌKIKLỌ PO)

(WE MUST BE OF ONE MIND AND STRIVE WITH ONE ACCORD TOWARDS THE SAME GOAL! 
&
LORD’s Supper with foot washing)

preached on 1984-04-22 15:00
broadcasted on 2024-10-05

Yẹwhehó he yín didọ gbọn Nọvisunnu Ewald Frank dali

Pipa po opẹ́ po hlan Oklunọ! Ehe sọawúhia mi di onúpaṣamẹ, na yẹn lẹndọ ohànjitọ lẹ na ko to nukọnyì to ohànjiji mẹ, ṣigba yẹn ko sọ sè dọ yé ko doalọtena ohànjiji. Yẹn sọ yín homẹhùnnọ hlan Oklunọ dọ mí ko tindo dọpọ́n onú he Jiwheyẹwhe to wiwà to azán egbé tọn lẹ mẹ. Asiko lẹ po nukunwhiwhe lẹpo hlan kọ̀ndopọ́ po kànṣiṣa po hlan Jiwheyẹwhe de yín onú họakuẹ titegbè, podọ onú nugbo lọ, po onú he jawu depo, é nasọ hẹn dagbe wá. Owanyin mítọn hlan dopodopo mítọn lẹ dóna lẹzùn kọ̀ndopọ́ vivẹ de, podọ kanyínylan lẹpo po adúhẹnmẹ lẹpo pó onú whánwhán lẹpo, na yè ni dè yé sọn mí de na mí nido yín omẹ dagbe. “Ṣigba po akla madotọ́nnọ homẹwiwé po nugbo tọn po.” Mẹdepope he wá nado nọ̀pọ́ po mí po lẹ dóna tin to vivomẹ to nukọn mítọn, na mí ko tin to Jiwheyẹwhe nukọn. Na Nọvisunnu Branham ko dọ whladopo dọ, “Gbẹtọ delẹ tin he hiẹ jlo nado nọ̀pọ́ po yé po, mọwẹ mẹdelẹ sọ tin bọ hiẹ ma sọ jlo nado nọ̀ hẹ yé gba, ṣigba whenuena mí wá pé yé mẹhe tindo kànṣiṣa po Jiwheyẹwhe po lẹ, enẹ wẹ ayajijẹ po gigo po, e ma yín homẹkẹn lẹ po odòmamọnamẹnọzo po gba, ṣigba adavo po vivẹ́ owhè tọn po po omà Oklunọ tọn po.” Ehe dóna dẹn bo sọ yín didohia gbọn ojọmiọn dali, podọ ehe dóna yín didohia to gbẹtọ lẹpo mẹ, to ogbè lẹpo mẹ podọ to akọta lẹpo mẹ.

Dinvie, yẹn sọ jlo nado yí jlọjẹ he lọ nado dọnudo mì omẹpó sọn sisósisó ayiha ṣie tọn mẹ, dọ mì ma hópọ́n nado plidopọ́ po mí po to nukọn Jiwheyẹwhe tọn to azán helẹ mẹ. Podọ to azán helẹ mẹ mí ma sè whẹgbèdido omẹde tọn gba, omẹ lẹpo sọ tin to ayajijẹ mẹ; eyín yé tlẹ tin to ohọ̀nù odò tọn mẹ, kavi họ̀nù awetọ mẹ, e sọgan yín tintan kavi awetọ, kavi atọ̀ntọ, kavi aotọ, kavi okòtọ mẹ, omẹ popo tin to homẹhùnhùn mẹ. Podọ yọpọvu lẹ lọsu sọ to owalọ dagbe zán, enẹwutu, onú lẹpo to yìyì to dagbe mẹ zọnmî. Pipa po opẹ́ po hlan Oklunọ! Na mí yín ayajẹnọ titegbe to azán helẹ mẹ. Yẹn yín homẹnùnnọ to yé mẹ. Na to whèjai osọ he wáyì tọn yín oyẹ hinhọ́n tọn daho de hlan mi. Podọ yẹn sọ dọ hlan mì dọ, kọ̀ndopọ́ titegbe po Jiwheyẹwhe po yín núvivẹ talala de, he vivi, he yín homẹjladónọ, bo sọ yọ́n pinpọ́n. Podọ ofi depope he Gbigbọ Jiwheyẹwhe tọn to azọ́nwà te, ninọ̀mẹ olọn tọn tin to finẹ.

Enẹwutu, ofi depope he gbigbọ devo lẹ to azọ́nwà te, yèdọ fie yè dọ̀n onú lẹpo dopọ́ te, fie wuntùntùn jẹagọ̀ tin te, fie mayise lẹ tin te, whenẹnu azéjlẹ dó onú lẹpo go tin to finẹ, mì dóakọ́nna ohógbè lọ! Ṣigba fie Gbigbọ Jiwheyẹwhe tọn tin to azọ́nwà te, ojé, e nọ jawu titegbe! Podọ omẹ popo tin to linlẹn dopolọ mẹ to ayiha yetọn lẹ mẹ. Na enẹ tọn wutu, eyín omẹ depope na dọ núhe gbleawuna omẹ de, omẹ awetọ na tùnwun i to ninọ̀mẹ etọn mẹ, na ewọ tin to ayiha etọn mẹ to finẹ wutu, ewọ ma sọ dikena kọ̀ndopọ́ etọn po Jiwheyẹwhe po ni yín finfin bo sọ yín zizé yì gba. Sọlé tukla he mí ma sọgan gbẹ́ delẹ na sọawúhia, podọ sọlé madógan agbasalan tọn lẹpo po agbọ́pemẹ lẹpo po na sọawúhia sọ, yè dègbèna mí nado nọ ylọ mínọzo lẹ dọ donanọ Oklunọ tọn kẹdẹdi yé he Ewọ ko dọhó hẹ nukun na nukun lẹ.

Na Oklunọ dọmọ, “Yẹwhegán susu po dódónọ susu po jlo nado mọ núhe mìwlẹ to mimọ bo ma mọ yé gba, podọ nado sè núhe mì to sisè helẹ bo ma sọ sè yé gba.” Omẹ Jiwheyẹwhe tọn dahodaho nẹmu, kavi nẹmu wẹ nọvisunnu vivẹ po nọviyọnnu vivẹ he ko nọ̀gbẹ̀ jẹnukọnna ojlẹ mítọn ma ko sè bo ma ko sọ mọ núhe Jiwheyẹwhe ko dè na opòdo ojlẹ jọmiọn tọn tọn! Mí tin togbẹ̀ to egbé, na ehe wẹ azán he Jiwheyẹwhe ko wléawu etọn bo ko sọ basi dai na mí, yèdọ azán he yín gigonọ hú ehe pò lẹpo!

Do ayi e go, Nọvisunnu Branham ko dọ whladopo dọmọ, “Eyín Jiwheyẹwhe ko kànbiọ mi, dọ, ‘Whetẹnu wẹ hiẹ jlo nado nọ̀gbẹ̀? Whetẹnu wẹ hiẹ jlo nado sẹ̀n Mi?’ podọ ewọ sọ basi titò lẹpo hlan ojlẹ lẹpo do nukọn Etọn, to whenẹnu ewọ sọ dọmọ, ‘Oklunọ È, yẹn ko jlo nado nọ̀gbẹ̀ to dinvie bo nasọ sẹ̀ We to dinvie, yèdọ dinvie to ojlẹ he lọ mẹ.

Mẹyinwanna emi, mì payi e go dọ aliho Jiwheyẹwhe tọn dabla bo sọ yọ́n, podọ Jiwheyẹwhe na ná mí ojọmiọn dọ agọ̀jẹdonúgo godogodo tọn po tùnmẹ jẹagọ̀ tọn po dóna yín didèsẹ̀, podọ aliho lọ dóna yín dindọ́ndopọ́ titegbe to owanyin Jiwheyẹwhe tọn mẹ bo sọ kẹalọyí omẹ lẹpo dilé yé te. To owéfọ he jẹgodona enẹ lọ mẹ, ehe nọvisunnu Pesali ma hia lọ, yèdọ ehe dọmọ, “Enẹwutu, sọn dinvie yì, mí ma sọ mọdona mẹde gbọn agbasalan dali gba.”Na Jiwheyẹwhe he yín Oklunọ dódónọ bo sọ do Ede hia to pipégan mẹ di gbẹtọ, ni ná ojọmiọn mí omẹ pó he ma pégan, he tindo mọ́dọ po agbọ́pemẹ lẹ po, po madógan lẹ po nado mọ Klisti to omẹ popo mẹ sọlé mọ́dọ lẹ, po madógan lẹ po, po agbọ́pemẹ lẹpo po na sọawúhia dó, na mí nido mọdona dọ yè ko flí mí gọ̀ na azọ́n podọ onú gigonọ de nado tindo madopòdo hẹ Jiwheyẹwhe podọ hẹ mínọzo.

Mẹyinwanna emi, na Jiwheyẹwhe ni dona mì! Yè ko dohuhlọn mi bọ yẹn ko sọ yín dùdejinọ dọ Jiwheyẹwhe na gọ̀ nọvisunnu susu po nọviyọnnu susu po do godo, bo dè yé sọn onú ylanylan lẹ mẹ bo sọ ná yé wuntùntùn dọ mí ma nado zé ehe lọ taidi azọ́n jẹagọ̀do mínọzo lẹ go, adavo nado wàzọ́n hẹ mínọzo lẹ podọ na mídelẹ. Na kọ̀ndopọ́ mẹ wẹ mí sọgan wà ẹ te. Podọ mí dóna nọ zé awà mínọzo lẹ tọn, bo gọ́alọna mínọzo lẹ, bo sọ nọ sẹ̀n mínọzo lẹ to owanyin mẹ. 

Enẹwutu, to ojlẹ pẹvi lẹpo mẹ, na mí ni nọ pé Oklunọ, podọ mí jlo nado nọ wà ehe po ayajijẹ po to nugbo de mẹ, to ayipipa mẹ, sọlé mí yín pinpẹ̀n gbọn onú susu aihọn tọn dali dó! Na núhe yín pinpẹ̀n gbigbọ mẹ tọn lẹ ni ma dọ̀n mí do odò blo, adavo dọ mí ni gbọjẹ to ohò mítọn lẹ mẹ bo sọ wléawu na mí nido dọ po núdeji de po sọn ayiha mítọn mẹ gbọn Gbigbọ lọ dali dọmọ, “Wá dinvie, Oklunọ Jesu!” Dinvie, ninọ̀mẹ lọ ma ko sọawúhia dólé e na te gba, ṣigba e na hẹn mí nado dọ̀nsẹpọ́ kọlẹ́wá titegbe lọ, na yè wlánwé etọn dọ, “Gbigbọ lọ po Asi lọ po to didọmọ, ‘Wá!’podọ ewọ he to sisè ni dọmọ, ‘Wá!’” Enẹwutu, Gbigbọ lọ na kọ̀ndopọ́ hẹ Asivu lọ to Oklunọ Mẹhe yinwanna mí bọ míwlẹ hodo bo sọ yise mẹ.

To whèjai he , mí na sẹsinwhena titegbe, ṣigba e na yín kọ̀ndopọ́ titegbe bo sọ ná mí huhlọn hú ehe mí ko nọ sè lẹ. Na whenuena mí dù Tenu núdùdù Oklunọ tọn, mí nọ to Oklunọ mítọn lẹnpọ́n, podọ nọvisunnu po nọviyọnnu dopodopo po. Mí nọ lẹn mínọzo lẹ pọ́n. Enẹwutu, mí ná pipa hlan Oklunọ dogbọn dopodopo mítọn lẹ tọn dali, dọ Oklunọ ko jona mí omẹ pó. Bé hiẹ yọ́n mẹhe yè jona? Bé mì omẹ pó yọ́nẹn wẹ? Yèdọ mẹhe jẹsẹ́nmẹ lẹ.

Yè nọ jona ylanwàtọ lẹ, yèdọ yé he jẹsẹ́nmẹ lẹ, mẹhe yè ko dawhẹ̀na lẹ, bo ko gblewhẹ̀do lẹ bo ko sọ dohlan ogàn mẹ lẹ wẹ yè nọ jona ajiji. Do ayi e go, omẹ mọtọnhunkọ wẹ mí omẹ pó to nukun Jiwheyẹwhe tọn mẹ dai. Na mí ma yín omẹ dagba depope kẹdẹdilé mí ko nọ lẹn dó dai gba. To nukun Jiwheyẹwhe tọn mẹ, mí omẹ pó ko jai bo ko sọ whète do gigo Etọn go. Ṣigba Oklunọ ko wá, bo ko hùn ohọ̀n ogànhọ̀ tọn, bo ko sọ dọmọ, “Gbọ na mẹglọnọ lẹ ni yín túntúndote!” Mí ko sọ yín túntúndote gbọn ojọmiọn dali. Enẹwutu wẹ ohànpatọ de do jihàn dọmọ:

Túndote, túndote!
Ohùn Etọn ko súnsún owhẹ̀ ṣie.
Túndote, túndote!

Enẹwutu, yẹn pà jọmiọn Jiwheyẹwhe tọn.
Túndote, túndote!
Yẹn nasọ mọ nukunmẹ Etọn to madẹnmẹ.

Túndote, túndote!
Enẹwutu, yẹn na dotudo jọmiọn Etọn go.

Halleluya! Na mí ma nọ dotudo mídelẹ go gba. Do ayi e go, winyan mídelẹ tọn nọ hú mí. Podọ kaka jẹ egbé, winyan mẹdepope tọn ma nọ hù mi, adavo dẽtiti tọn. Ṣigba Oklunọ ma nọ dowinyan mẹdepope gbèdé. Dilé ohàn lọ to nukọnyì dó, “Winyan ma nọ hù mẹdepope he nọtepọ́n Jiwheyẹwhe gba.” Dinvie, mì pọ́n, ayiha ṣie yín gigọ́, mọwẹ ayiha mìwlọsu tọn lẹ ga, ṣigba whenu gli de wẹ mí tindo. Enẹwutu, mí jlo nado hia owéfọ delẹ, to enẹgodo mí na wà hùnwhẹ Tenu núdùdù Oklunọ tọn tọn kọ̀n.

Dinvie, mí na hia sọn Owé KOLOSINU 1: 14 tọn mẹ, “Mẹhe mẹ míwlẹ dó ofligọ̀ te gbọn ohùn etọn mẹ, yèdọ ojona ylando tọn.” Dogọ́, mí na hia sọn afọ etọn 19-20, “Na ojlo Otọ́ tọn wẹ dọ, to ewọ mẹ wẹ gigọ́ popo na nọ̀; é ko sọ yí ohùn satin etọn tọn do to jijọho basi, gbọn dali etọn nado gbọwhẹ onú popo tọn hlan ede; yẹn dọ, gbọn dali etọn eyín yé tlẹ yí onú he tin to ayihọn mẹ, kavi onú he tin to olọn lẹ mẹ.” Do ayi e go, Ewọ basi jijọho gbọn ohùn Etọn he É kọ̀ndai dali. Podọ to Yẹwhehó Etọn he É dọ to Osó ji tọn mẹ, Oklunọ mítọn dọmọ: “Donanọ wẹ jijọhodintọ lẹ.” Yẹn sọ yise dọ gbẹtọ depope he tindo jijọho pannukọn Jiwheyẹwhe na zé jijọho hẹn po É po bo nasọ má ẹn to fidepope he ewọ tin te podọ to fidepope he ewọ to yìyì. Enẹwutu, mẹdepope he wá nado gbọjẹ to Jiwheyẹwhe mẹ na nọte to gbọjẹ wiwé he lọ mẹ, bọ Jiwheyẹwhe na tin po é po bo nasọ dona ẹn.

To Owé HEBLU 13: 10-15 tọn mẹ, mí hia dọ, “Míwlẹ tindo agbà de, ehe mẹ yé he to sinsẹ̀n to gohọ̀ mẹ lẹ matindo huhlọn nado nọ dù te. Na olan kanlin nẹlẹ tọn, ohùn ehetọn yé hẹnwá fiwiwé mẹ gbọn alọ yẹwhenọ daho tọn mẹ na ylando, dòkọ godo wẹ yè nọ mẹ̀ yé te. Enẹwutu Jesu ga, dọ É nido lẹ̀ gbẹtọ lẹ wé gbọn ohùn Ede tọn mẹ, jiya to dòkọ godo ga. Enẹwutu, mì gbọ mí ni jẹgbonuyì jẹ É de to osla lọ godo, bo to ovlẹ Etọn hẹn. Na míwlẹ matindo otòdaho he na nọte dẹn kaka to ofi gba, ṣigba mí to tòdaho he ja lọ din. Enẹwutu, gbọn Ewọ mẹ, mì gbọ mí ni nọ sánvọ́ pipa tọn de hlan Jiwheyẹwhe whepoponu, enẹ wẹ, sinsẹ́n nùflo mítọn tọn, he basi ogbèyíyí hlan Oyín Etọn.”

Na Jiwheyẹwhe ni gọ́alọna mí nado mọdona ehe lọ. Do ayi e go, Jesu ma yín awhànpa depope tọn, ṣigba mẹyandogbé podọ mẹgbigbẹ́ de. Enẹwutu, Ewọ jiya to dòkọ otòdaho lọ tọn godo, to gbonu dòkọ dopodopo tọn, bo jiya jẹ okú bo sọ súahọ́ to finẹ. Dinvie, mì gbọ mí ni jẹgbonu yì po É po sọn dòkọ agùn dopodopo tọn mẹ bo sọ jiya hẹ Ẹ. Enẹwutu, “Eyín mí jiya hẹ Ẹ, yè nasọ pagigona mí po É po dopọ́.”

Azán dopo de ji, mí na diọ satin na jẹgbakun bo nasọ tin po Oklunọ po to whepoponu. Na yèdọ Mọse lọsu hia yajiji Klisti tọn lọ jẹ na adọkun daho de hú adọkun Egypt tọn lẹpo. Enẹwutu, onú aihọn tọn depope he yín dinvie tọn lẹ ma na nọte dẹn gba, adavo ehe yín madopòdo wẹ na nọte kakadoi. Do ayi e go, Jiwheyẹwhe mítọn ko zé mí daga na ehe yín aihọn tọn lẹpo, bo ko sọ ná mí ogbẹ̀ madopòdo gbọn jọmiọn dali. Podọ mí sọgan dọ di Paul, dọmọ: “Eyín ohọ̀ mítọn he yín gohọ̀ agbasa tọn he tlẹ gble, mí tindo ehe Jiwheyẹwhe dó de.” Kẹdẹdilé mí omẹ pó ko yọ́nẹn dó, yisenọ lẹ ma nọ kú gba, ṣigba yé nọ diọ nọtẹn yetọn lẹ poun wẹ. Dilé omẹ Suwisi tọn de dọ dó, dọ, yè sẹ̀tẹn na yé wẹ. Mọwẹ mẹdaho, mí nọ tọ́nsọn asiko lẹ mẹ biọ madopòdo mẹ. Do ayi e go, ehe lọ ma yín otàn de gba. Nugbo wiwé de wẹ ehe lọ. Halleluya! Ojé, pipa ni yín Jiwheyẹwhe mítọn tọn! Na yè wlán ẹn dọ, “Núhe nukun ma ko mọ, kavi ehe otó ma ko sè, kavi ehe ma ko wá linlẹn mẹ na gbẹtọ de, Jiwheyẹwhe ko wléawu etọn dai na yé he yinwanna Ẹn lẹ.”

Dinvie, etẹwutu wẹ mí yinwanna Ẹn? Na Ewọ whẹ́whẹ́ wẹ yinwanna mí wutu. Podọ na É ko zé wanyinna Etọn do ayiha mítọn lẹ mẹ wutu, enẹwutu, mẹdepope ma sọgan wá Ede, adavo É dọ́n ẹn. Podọ mẹdepope ma sọgan yinwanna Ẹn, adavo é yín mẹyinwanna gbọn Ewọ dali. Enẹwutu, mẹyinwanna Jiwheyẹwhe tọn wẹ mí. Mọwẹ, omẹ vivẹ Jiwheyẹwhe tọn wẹ mí. Halleluya! Pipa ni tin hlan Jiwheyẹwhe mítọn! Dinvie, mì gbọ na mí ni hia pẹde dogọ́, na onú vivẹ titegbe de wẹ Ohó Jiwheyẹwhe tọn.

Owé FILIPINU 2: 1-3tọn: “Enẹwutu, eyín homẹhùnhùnhó de tin to Klisti mẹ, eyín homẹmimiọn owanyin tọn, eyín kọ̀ndopọ́ Gbigbọ tọn, eyín lẹblanu bibọ̀ lẹ po awuvẹmẹ lẹ po, mì hẹn ayajẹ ṣie gọ́, na mì ni yín homẹdoponọ, bo tin to owanyin dopo, linlẹn dopo, podọ to ayiha dopo mẹ. Mì yí avùn kavi ogoyi ovọ́ do wà núdepope blo, ṣigba to ayiha whiwhẹ mẹ, dopodopo mìtọn ni lẹn mẹdevo tọn hú ede tọn.” Bé enẹ lọ ma yín ohó he jawu de? To ayiha dopo mẹ. Ayiha mẹnu tọn? Mì gbọ ayiha he tin to Klisti Jesu mẹ ni tin to mi mẹ ga. Mọwẹ yè dọ to afọ etọn atọ́ntọ lọ mẹ. Enẹwutu, mì ma sọgbè hẹ Nọvisunnu Frank blo, kavi hẹ nọvisunnu lé po lé po blo, adavo Jesu Klisti podọ Ewọ lọ wẹ Ohó lọ. Do ayi e go, to whẹ́whẹ́whenu wẹ Ohó lọ ko tin, podọ Ohó lọ sọ tin jẹ opòdo.

Podọ eyín mí sọgbè hẹ Ẹ, bé whenẹnu mí na sọgbè hẹ mínọzo lẹ ga. Whenẹnu wẹ mí na tindo Ohó Dopolọ, Gbigbọ Dopolọ podọ Owanyin Dopolọ. Enẹwutu, onú popo sọgbè hẹ yénọzo lẹ, yèdọ wiwé de, ehe yín olọn mẹ tọn, whenẹnu wẹ ninọ̀mẹ gigonọ de na fọ́ntite to ayiha mítọn lẹ mẹ podọ hẹ mínọzo lẹ, podọ whenẹnu wẹ owanyin Jiwheyẹwhe tọn na yín didohia. Mí dóna tindo awuvẹmẹ po lẹblanu bibọ̀ po sọn sisósisó ayiha mítọn tọn mẹ, whenẹnu wẹ “mí na hẹn ayajẹ gọ́, na mí ni do yín homẹdoponọ,” ehe wẹ yè ylọ dọ ayiha Jesu Klisti Oklunọ mítọn tọn tintindo. Na Ewọ he yín Mẹflitọ lọ ko sọ̀n ohùn Etọn dai.

Podọ dilé mí ko sè sọn Nọvisunnu Branham de dagbedagbe dó, dọ, “Ogbẹ̀ tin to ohùn lọ mẹ. Na Ewọ ko sọ̀n ohùn Etọn wiwé lọ dai. Whenẹnu wẹ Ogbẹ̀ Etọn wiwé lọ yín jijodo bo sọ gọ̀wá yé omẹ pó he yè ko fligọ̀ gbọn ohùn Etọn dali lẹ ji.” Halleluya! Pipa ni tin hlan Jiwheyẹwhe! Sọn whenẹnu, mí ma sọ yín ehe kavi enẹ ba gba. Na mí ko lẹzùn ovi Jiwheyẹwhe tọn lẹ. Podọ kẹdẹdilé mí ko sè dó, yèdọ, “Klisti kú na mí, na míwlẹ nido nọ̀gbẹ̀ hlan Ẹn.” To Owé LOMUNU 14: 8 tọn mẹ, Paul dè linlẹn dopolọ tọ́njẹgbonu ga. “Na eyín mí tin to gbẹ̀, mí tin to gbẹ̀ hlan Oklunọ; podọ yín mí sọ kú, mí kú hlan Oklunọ, enẹwutu eyín mí tin to gbẹ̀, kavi yín mí kú, Oklunọ tọn wẹ mí.” Ehe sọ yín núdabla de, bé gbẹtọ lẹ ko mọdona nugbo nugbo dọ yé togbẹ̀ po Oklunọ po kavi yé nọ sè mí nọ dọhó gbọn Ewọ dali kẹkẹ? 

Na mí ko sè ohó susu gbọn omẹ susu tọn dali, podọ mí ko sọ zé ohó susu do otò yètọn lẹ mẹ. Bé yé ko pégó nado sè sọn ayiha yétọn lẹ mẹ, dọ owanyi po lẹblanu Jiwheyẹwhe tọn po ko yín ṣiṣa po ohó lẹ lọ po he mí to lilá, bé e ko yín mimọ sọn ayiha de mẹ jẹ ayiha de mẹ ? Na mí ko sè dọ, “enẹwutu eyín mí tin to gbẹ̀, kavi yín mí kú, Oklunọ tọn wẹ mí.” “Lala, yín mí to ohó dọ, whenẹnu Oklunọ wẹ mí to ohó dọhlan.” Na owalọ mítọn lẹ dóna dóhia Oklunọ, podọ eyín Jiwheyẹwhe jlo nado whlẹn ylandonọ de to egbé, nawẹ Ewọ na wà ẹ do ? Bé Ewọ na wá bo dọhó hlan ẹn wẹ ? Bé hiẹ ko mọ Oklunọ dolé pọ́n ? Ewọ nọ zán afọ towe nado nọ zinzọnlin, podọ onù towe nado dọhó, podọ alọ towe nado dona gbẹtọ lẹ.

Míwlẹ wẹ agbasa Oklunọ tọn lọ, podọ awutugonu he yè kọndopọ de he Ewọ jlo nado dona, podọ ehe É dè nado zán, enẹwutu Oklunọ mítọn dọ, dọmọ, “Kẹdẹdilé Otọ́do mi hlan do, mọwẹ Yẹn do mì hlan do.” Podọ Otọ́ he do É hlan tin to Ewọ mẹ bo sọ tin po É po. Na Jesu Lọsu dọ, to owe Johanu 14 : dọmọ, “Yẹn ma to azọ́n he lẹ de wà sọn dê gba; ṣigba Otọ́ he nọnọ́ yẹn mẹ wẹ wà azọ́n lẹ lọ.” Halleluyah! Oklunọ Whlẹngantọ mítọn, Whlẹngantọ ṣie yedọ Whlẹngantọ towe, mẹhe nọnọ́ mí mẹ gbọn yise mẹ, he nọ wàzọ́n, ehe sọ nọ dọhó, bo sọ nọ whlẹn mẹ, yèdọ Ewọ mẹhe nọ dona bo sọ nọ hẹn azọ́ngbọ gbọn awútùgonú Etọn lẹ mẹ. Ná enẹlẹ wẹ hẹn mí wà nado hòdo É. Enẹ wẹ É dè mí na. Yẹn dopa na mì dọ yẹn ma na sọ dọhó ba, yín eyín to abọẹ po ogbè gángàn po mẹ, na ojlẹ glí de wẹ po na mí.

Ṣigba na ohó Jiwheyẹwhe tọn họakuẹ hú whenu lẹ wutu, mí nọ wọnji sọn ojlẹ lẹ go. Ṣogan mì gbọ na yẹn ni hia na mì sọn owéfọ awe helẹ mẹ, yèdọ sọn Owé 1KỌLINTINU 10 tọn po 1 KỌLINTINU 11tọn po mẹ. Sọn 1KỌLINTINU otà 10 mẹ yẹn na hẹn sọn afọ 16: “kọfo odona tọn he mí to didona, e ma yín kọ̀ndopọ́ ohùn Klisti tọn wẹ? Aklà he mí to kinkán e ma yín kọ̀ndopọ́ agbasa Klisti tọn wẹ?Na mìwlẹ mẹsusu yín akla dopo, agbasa dopo: na mí omẹ pó wẹ yín mimátọ akla dopo lọ tọn.” Halleluyah! Pipa hlan Oklunọ! Na e ma na do yín owhẹ̀gbledo mẹ, kavi sọn tasinsinyẹn de mẹ, e yín onú he blawu de talala. Dọ, nọviyọnnu de ylọ́ mi to osọ̀ he wáyì sọn Otò daho Jamani tọn mẹ po homẹgble po bo dọmọ, “Nọvisunnu Frank, yẹn to owé nọvisunnu Branham tọn hia na azán de, ṣigba yẹn gbẹ́ to ofi po dọ́n po bo to núhe jọ to osọ̀ to agùn daho Pentikọti tọn lẹnpọ́n.Yé nọ dù Juwáyì Oklunọ tọn lọ kẹdẹdi agùn Katọliki tọn po nukọntọ yetọn lẹpo po lilẹ́doawhànpa lẹ tọn de po bo ma tlẹ nọ yí i lala, na yé nọ ylọ́n ẹn do ovện lọ mẹ poun wẹ, podọ to enẹgodo, awhànpa lọ kẹdẹ nọ yí i dù.” Ojé, enẹ lọ nọ doalàn ayiha mìtọn lẹ po núhe tin to mí mẹ lẹpo go.

Gbẹtọ lẹ emi, eyín yẹn ma mọdona dọ dawe he to azọ́n he lọ wà bo do hẹn agùn he lọ wá tintin mẹ, yèdọ dawe he yẹn ko tùnmẹ owé etọn lẹ sọn ogbè Glẹnsi tọn mẹ do Janma tọn mẹ to otò daho susu Janma tọn mẹ, dawe he yín Nọvisunnu Branham…

Podọ whenuena hiẹ sè onú helẹ pó, ojé, nawẹ Ohó Jiwheyẹwhe tọn he yè hùndohia lọ na họakuẹ hlan mí sọ, na yè ko plán mí gọ̀wá Ohó Oklunọ tọn mẹ! Do ayi e go, mì na mọ yé omẹ he ma nátó yẹwhegán Jiwheyẹwhe tọn nugbo lọ to azán godo tọn he mẹ lẹpo na nátó yẹwhegán lalonọ lọ. Na yé ma yí nugbo lọ sè wutu, dọ, “Jiwheyẹwhe na do vàsúdo daho de hlan yé.”

Ṣigba na yẹn tọn, yẹn mẹhe ma yín omẹ yọ́yọ́ de to Ahọludu Jiwheyẹwhe tọn mẹ gba, podọ e nọ yín awublanú de na mi titegbe to whenuena yẹn sè ehe sọn nọvisunnu ṣie he yẹn ko dù bo ko nù hẹ lẹ, bo ko sọ wà azọ́n hẹ lẹ sọn owhè susu he ko wáyì lẹ mẹ lẹ de. Ṣigba hiho ogàn de tọn nọ sẹtẹn po whinwhàn de po, nado yí aliho he na jẹagọ̀do núde. Na onú popo nọ yín ṣiṣadopọ́ hẹ Babẹli bo sọ nọ gọ̀do finẹ. Enẹwutu, Owé Wiwé lẹ dọ, dọmọ: “Yé omẹ pó sọ nù mú gbọn ovện ayọdide etọn tọn dali.”

Do ayi e go, ninọ̀mẹ awe gẽ wẹ tin, dopo yín ninọ̀mẹ wiwé tintan lọ. Enẹwutu wẹ yẹwhegán Isaia do dọdai dote dọmọ, “Ohó Oklunọ tọn lọ na tọ́njẹgbonuyì sọn Jelusalẹm mẹ, podọ núplọ́nmẹ sọn Osó Ziọni tọn ji.” Na finẹ lọ wẹ ohó nugbo dọdai apọsteli lẹ tọn jẹgbonu sọn wá.

Podọ ninọ̀mẹ satani wẹ awetọ lọ, yèdọ ehe sọn otò Lomu tọn mẹ, to otò Vatikan tọn mẹ, podọ yé he nù sọn e mẹ lẹpo ko lẹzùn ahànnùmúnọ to gbigbọ mẹ, bo sọ hẹn ninọ̀mẹ yétọn lẹ bú. Dinvie, mì gbọ na ehe lọ ni yín hinhẹn gigli. Na ninọ̀mẹ devo de ma nado tin to ṣẹnṣẹn ba. Podọ gbèmima lọ dóna yín bibasi to Jiwheyẹwhe nukọn. Do ayi e go, onú popo ko yín dindọ́n sọ yì po aṣafọ alọpãlọpa lẹpo, po owọn lẹpo, podọ po onú alọpãlọpa lẹpo po. Ojé, onú helẹ nọ dọ́n omẹ. Ehe lọ nọ sọawúhia hlan omẹ lẹpo. Na yé omẹ pó sọgan nọ̀ ninọ̀mẹ yetọn, bọ yisenọ lẹ sọ nọ nọ̀gbẹ̀ dólé yé jlo do, bo nasọ biọ yé mẹ. Enẹwutu, mì dótó mi dagbedagbe to egbé. Na omẹ he yè ylọ jẹgbonu lẹ, bo klándovò lẹ, bo ko sọ yín kinklándowiwé gbọn nugbo lọ mẹ lẹpo wẹ Jiwheyẹwhe to jijlo to dinvie.