DOGBỌN SINSẸ̀N HE SỌGBÈ PO EHE MA SỌGBÈ PO TỌN DALI.

PO NÙBIBLA EHE SỌGBÈ PO EHE MA SỌGBÈ PO TỌN DALI! ISAIAH 58, 1:12
(Of wrong and right worship! And of wrong and right fasting! Isaiah 58, 1:12)

preached on 1984-08-05 10:00
broadcasted on 2024-08-24

Yẹwhehó he yín didọ gbọn Nọvisunnu Ewald Frank daliPipa po opẹ́ po ni tin hlan Oklunọ na ojlọjẹhe É na hlan mí, na mí nido tin to ofi nado sè Ohó Etọn whladopo dogọ podọ nado yín donanọ to yọ́yọ́jẹ mẹ. Na whedepopenu mí sọawuhia ofi nado wá sẹ̀n, mí tindo todido sisósisó de to ayiha mítọn lẹ mẹ nado mọyí onú he Jiwheyẹwhe do pagbe etọn lẹ gbọn odọpọ́n yọ́yọ́jẹ de tọn mẹ. Na whenuena É na sọawuhia, mí ma jlo na ṣinai to ohó lọ kẹdẹ glọ́ gba, mí jlo na tin to awúwiwle mẹ, yèdọ awúwiwle mẹ nado pé É.E sinyẹn nado lẹn mẹhe ko juwayi lẹ tọn pọ́n, yèdọyé mẹhe dówezun ehe lọ lẹ po tọn, yé mẹhe hodo Oklunọ na azán susu bo ma sọ jẹ fie ohia lọ te lẹ. E vẹawu talala! Podọmọwẹ e nasọ yín. Na Owé Wiwé dọ, dọmọ, “yé mẹhe wleawu lẹ biọ họmẹ hẹ yí, yè sọ su ohọ̀n.”Etẹ wẹ tin to awúwiwle he lọ mẹ? Whètẹnu wẹ mí na wleawú lọ do nado yí pé Oklunọ lọ? Ehe lẹ wẹ ohó kanbiọ he kàn mí. 

Na mí mọdona dọ gbẹtọ susu wẹ ko kúdlọ bo ko sọ ji ohàn, bo sọ dọ yẹwhehó bẹ́yìlọnmẹ tọn, bo ma tlẹ tindo oyọ́nẹn nugbo Jiwheyẹwhe tọnto nukun Jiwheyẹwhe tọn mẹ, yé to nuplọ́nmẹ yéde titi tọn hẹn wá bo sọ wlé aliho yéde titi tọn, nado sọgan yín awúwlenọ. Ṣigba enẹ ma yín hlan míwlẹ to afọnnu ehe gba adavo hlan omẹ devo lẹ.Ohó kànbiọ lọ wẹ yín dọ, nawẹ míwlẹ te to nukọn Jiwheyẹwhe tọn to egbè? Bé mí sọgan pé É? Mí sè gbèdidọ lọ hézéhézé dọ, onú atọ̀n he lẹ tin to dandan mẹ, yedọ gbọn owhẹ̀suna dali, gbọn yise Biblu mẹ tọn dali to Jesu Klisti Oklunọ mítọn mẹ, podọ gbọn núyíwà Gbigbọ Jiwheyẹwhe tọn tọn dali. 

E ma yín nado tindo yise na omẹ devolẹ tindo yise wutu gba, ṣigba dọpọ́n sisósisó mẹde titi tọn de gbọn yise dali, yèdọ dọpọ́n de hẹ Jiwheyẹwhe ehe mí sọgan pọ́n hlan bo dọ, “Asiko enẹ mẹ  wẹ Jiwheyẹwhe pé mi te. Podọ whenẹnu wẹ yẹn mọ Jiwheyẹwhe te. Dọpọ́n enẹ lọ wẹ diọ gbẹ̀zán ṣie, wẹ na huhlọn gbẹ̀zán ṣie, wẹ ná mi didiọ de.” Enẹwẹ owhẹ̀suna.Dọpọ́n awetọ sọ yín didọ hézéhézé, podọ Owé Wiwé sọ dọhó do e ji whlasusu. Ehe wẹ klandowiwé ehe yè dọ hlan mí, dọ, “Po owalọ wiwe po, eyín enẹ matin, mẹde ma sọgan mọ Oklunọ.”Nukundó núdevo de matin. “eyín klandowiwé matin, mẹde ma sọgan mọ Oklunọ.’’ Ohó vivẹ́ de wẹ ehe lọ.

Mẹnu wẹ yọ́n nuhe klandowiwé yín to nukun Jiwheyẹwhe tọn mẹ? E ma yín nuhe mí lẹn dọ eyín gba, adavo nuhe Jiwheyẹwhe biọ sọn yẹn po hiẹ po de. JOHANU 17 afọ 17, dọ, dọmọ, “lè yè wé to nugbo towe mẹ, ohó towe wẹ nugbo.”Enẹwutu mí tindo budisi hlan Jiwheyẹwhe po Ohó Etọn po, podọ núdopodopo he yè wlán dó ohó Etọn mẹ lẹpo po. Na omẹ delẹ tin bo nọ yí enẹ he yéwlẹ yinwanna sọn ohó lọ mẹ, bo sọ nọ gbẹkọ sọn ehe pò lẹ go.

Mí dóna hẹn Ohó Jiwheyẹwhe tọn to vivẹde mẹ, ná nugbo wiwé he lọ nido sọgan ná mí huhlọn, podọ nado hẹn mí basi enẹ he yín wínwlán to Owé JAKỌBU tọn otà 5 tọn mẹ. Dọ, “Mì hlún do minọzo go blo, mẹmẹsunnu emi, na yè nikã gblewhẹ̀do mì, pọ̀n whẹ̀datọ ṣite to ohọn lọ nukọn. Apádevo sọ yín dọ, “Mì hlún do minọzo go blo, mẹmẹsunnu emi, ná Oklunọ lọ tin sẹpọ́.” Mí tindo kandejide dọ mí tin to nugbo he yè dohia lọ mẹ bo sọ yín kinklando wiwé to yé mẹ, ṣigba enẹ lẹ kẹde ma pé gba.

Mí dóna dèkunnu ohó Jiwheyẹwhe tọn dopodolọ he tin to Owé Wiwé mẹ lẹpo, bo sọ dọgàn odẹ̀ mítọn lẹ,” yín e ma yín mọ, mí klọ́ mídelẹ, podọ yàyá wẹ sinsẹ̀n mítọn. Owéfọ susu tin to Ohó Jiwheyẹwhe tọn mẹ, he to alọ dlẹn do onú he Jiwheyẹwhe biọ sọn mídedọ mí ni yín kinklándowiwé. Yè dona sùwhẹ ná mí bo sọ yín kinklandowiwé to Jiwheyẹwhe nukọn. Gbẹtọ hóhó lọ ma sọgan basi ehe gba. Bọ mí nọ dọ, nawẹ ehe lọ sọgan yín bibasi dó? Ṣigba, whenuena mí zé otá daga bo pọ́n, mí sọgan dọ, dọmọ, “Jiwheyẹwhe Nugbonọ È, Hiẹ ko jóná mí. Hiẹ ko ná mí ogbẹ̀ yọ́yọ́ de. Hiẹ ko jóna nuṣiwà mítọn lẹ. Towe wẹ mí. Mí tin na hiẹ. Wà hẹ mí enẹ he Hiẹ jlo. 

Bé míwlẹ tindo ojlò sisósisó enẹ to mí homẹ nado sọgan yí i do hẹn homẹ hùn Jiwheyẹwhe podọ nado hẹn obiọ he lẹ wá ṣisẹ mẹ? Mí ko sè bo ko sọ hia to ofi dọ, “Enẹwutu le míwlẹ to ahọludu aigba he yè ma sọgan whàn tọn yí, mì gbọ mí ni hẹn ojọmiọn go, ehe mẹ mí sọgan nọ basi sinsẹ̀nhomẹhunnọ hlan Jiwheyẹwhe te po yẹyi po, po osi po. Na miyọn dusudo de wẹ Jiwheyẹwhe mítọn.Opẹ́dido yín onú titegbe de to sinsẹ̀n basi hlan Jiwheyẹwhe mẹ yèdọ sọn ayiha mítọn mẹ. Mí ma sọgan yí nukọn yín mí to owhẹ̀gbledo mínozò lẹ. mí dónanọ dópẹ́ kẹdẹdilé eyín winwlán  to Owé HEBLU tọn otà 12 afọ etọn he gbọn godo lọ mẹ do dọ, “Enẹwutu le míwlẹ to ahọludu aigba he yè ma sọgan whàn yí, mì gbọ mí ni nọ dó opẹ. ehe mẹ mí sọgan nọ basi sinsẹ̀nhomẹhunnọ hlan Jiwheyẹwhe te po yẹyi po, po osi po.”

Opẹ́dido wẹ agọjẹdó hùnhlún po owhẹ̀do mẹ po tọn. Podọ eyín mí pọ́n hlan ovi Islaẹli lẹ tọn kẹdẹdilé yè dohia ẹ do to Owé 1KOLINTINU otà 10 po ofi devo-devo lẹpo po mẹ, bé whenẹnu wẹ mí sọgan dọ, dọmọ, “Yé omẹ po dù mana, bo sọ mọ dotin miyọn tọn lọ, yé mọ gigo Jiwheyẹwhe tọn bo sọ nù sọ́nawínyàn Gbigbọ tọn lọ mẹ, ṣigba yé omẹ po wẹ hlún.”

Ohò ma gọ́ yé gba sọmọ bọ yé to yénọzo lẹ ze jó na dùdù, kakajẹ whenuena Jiwheyẹwhe gblọn bo dọ, “Mose, yẹn na và yé gbẹtọ lẹ lọ, Yẹn bo nasọ basi akọta daho de sọn hiẹ mẹ.” Mọse sọ basi ovẹvivẹ hlan Jiwheyẹwhe.” Nugbo-Nugbo Mọse zé ede dó Jiwheyẹwhe nukọn to omẹ Islaẹli tọn lẹpo ji bo dọmọ, “Podọ eyín lala, súnsún mi, yẹn vẹ́we, sọn owé towe he hiẹ ko wlán mẹ, adavo dọ hiẹ ni jó omẹ ehe lẹ dó to jijọho mẹ.” 

Mí mọ gbẹ̀zán Jesu tọn to omẹ Jiwheyẹwhe tọn he lọ mẹ, é hẹn, e na ko dọ, Oje, Linlẹn dagbe dagbe detẹ wẹ ehe lọ! dinvie yẹn na gán sọn tukla he lẹ mẹ, bọ akota yọ́yọ́ devo na tin he ma na sọ yín omẹ ehe lẹ ba. Sigba, E ma tin to Jiwheyẹwhe domọ gba, na míwlẹ nọ mọ fie mí jai te bo sọ nọ mọ nuṣiwà na mídelẹ to ninọ̀mẹ dopolọ mẹ. Enẹwutu mí ma dóna nọ pọ́n hlan aijijẹ mítọn lẹ kavi núṣiwà mínọzo tọn lẹ gba, ná mí ma sọ, “yọ́n mẹde kẹdẹdi agbasalan tọn ba gba,” Ṣigba di to Gbigbọ mẹ.

Enẹwutu wẹ mí do nọ pọ́n hlan Jiwheyẹwhe Mẹhe já na wá ná mí ahọludù he yé ma sọgan whàn gbede. Pọdọ ahọludù Jiwheyẹwhe tọn tin to dopodopo mítọn lẹ mẹ. Mọwẹ yín ahọludù Jiwheyẹwhe tọn tin to dopodopo mítọn lẹ mẹ, bé whenẹnu wẹ mí ná tin to ahọludù Jiwheyẹwhe tọn lọ mẹ. Nugbo he mí ma sọgan gbẹkọ sọn wẹ ehe.

Eyín winwlán to ofi dọ: “Enẹwutu le míwlẹ to ahọludu aigba he yè ma sọgan whàn yí, mì gbọ mí ni nọ dó opẹ. ehe mẹ mí sọgan nọ basi sinsẹ̀nhomẹhunnọ hlan Jiwheyẹwhe te po yẹyi po, po osi po.”  Enẹwutu eyín mí jlo na hẹn homẹhun Jiwheyẹwhe, mì gbọ mí ni sẹ̀n Ẹn, matin hùnhlún po owhẹgbe lẹpo po, ṣigba to opẹ̀dido sọn ayiha mítọn tọn mẹ hlan onú he Jiwheyẹwhe ko wà ná mí lẹ tọn wutu. Bé mí mọdona?Mí jlo dóna nọ hẹn homẹ Jiwheyẹwhe tọn hùn bo nasọ nọ sẹn Ẹn. Họ̀nhungàn lọ wẹ yin dọ, Mído na nọ dopẹ na Jiwheyẹwhe na É jóna mí bo sọ yí mí Ahọludu Etọn mẹ na míwlẹ nido lẹzùn nútindo Etọn wutu. Dinvie Owéfọ devo-devo lẹ tin ehe mí sọgan hia dogbọn dọpọ́n atọ̀n he lẹ dali, he basi, owhẹsuna, po klandowiwé po, po baptẹmu to Gbigbọ Wiwé mẹ po. Podọ eyín omẹ dopodopo sọgan dógbèpọ hẹ mi, yẹn sọgan dọ, dọ, mí ni hodẹ̀, bo sọ hodẹ̀ kaka dopodopo mítọn lẹ nido tindo dopọ́n helẹ po Jiwheyẹwhe po.

Onú he wà lẹblanu gbahu wẹ yín na mí tin to Ohó Jiwheyẹwhe tọn mẹ bo tindo tódidò dọ mí tin po Jiwheyẹwhe po bo sọ yín omẹ he yè gbẹ́ dai. Yẹn ma jlo na zé azọ́n ehe do yẹnlọsu ji, na yẹwhèhódidọ ma yín azọ́nwiwà gbà, adavo oylọ́ de. Paul wlán dọ, “Na mí ma sọgan nọma dogbe alindọn he yè bẹ́ jó na mí lẹ tọn.” Etẹ! Mì gbọ mí ni nọ sè Ohó jiwheyẹwhe tọn bo sọ yí i hẹn to ayiha mítọn lẹ mẹ to sisọsisọ po budisi de po mẹ nado sọgan dọ,dọmọ, “Oklunọ, Fie wẹ yẹn tin te podọ fie wẹ yẹn ṣite te to gbigbọ mẹ to nukọn towe?”

Kẹdẹdilé yẹn dọ dó dai dọ, míwlẹ ma sọgan wá nudepope to owhẹ̀domẹ lẹ mẹ, yín eyín omẹdopodopo kavi whinwhàn gbigbọ tọn lẹ kavi agùntitò lẹ gba. Mí do hùdo owhẹ̀dọtọ nugbo ninọ̀mẹ gbigbọ mítọn mẹ tọn de tọn podọ ninọ̀me gbigbọ mẹde titi de tọn po to Oklunọ nukọn. Ná Ewọ nido dóali whlẹngan tọn hia mí to whenuena mí ṣite to nukọn Etọn to yise mẹ nado dopẹ na onú he É ko wà hlan mí lẹ tọn. Na lé wẹ e yín winwlán dọ, “Mẹdepope he sánvọ́ pipa tọn é pagigona mi: podọ hlan ewọ Yẹn na do whlẹngan Jiwheyẹwhe tọn hia.”

Enẹ wẹ mí jijlo na mọ. Whlẹngan gigọ́ lọ, po owẹndagbe gigọ́ lọ po, po gigọ́ onúgọ̀donutẹnmẹ ehe ko bú lẹpo tọn. Ogbẹ̀ Jiwheyẹwhe tọn po huhlọn Jiwheyẹwhe tọn po dóna biọ núyíwà mítọn lẹpo mẹ. Ná nugbo-nugbo, asiko he mẹ mí tin te ṣinẹnawu titegbè. Mí ka sọ tin to mẹhe nọ do ojlẹ na awusọhia Oklunọ tọn lẹ mẹ. Kavi dọ, dọmọ, “Oklunọ ṣie hẹn gigọwá Etọn dẹn.”

Ṣigba mí jlo na tin to whiwhẹ mẹ podọ to kandeji de mẹ pannukọn wiwá Oklunọ tọn. Podọ taidi asivu he wléawu, asivu he doaṣọ avọn dagbe-dagbe de tọn. Mọwẹ mí jijlo na nọte do, e ma yín taidi yé omẹ he ṣite to ohọ̀n lọ godo lẹ gba. 

“Yé omẹ po biọ họmẹ hẹ ẹ yì.”

“Awli nuyọnẹntọ atọ́n lẹ po nulunọ atọ́n lẹ po.”

“Yé omẹ po wẹ jlá ozowhàn yétọn lẹ do.”

“Yé omẹ po wẹ tọ́n yì pé É.”

Mẹyinwanna, gbẹtọ susu wẹ to bibasi do mọ to egbè he. To yé omẹ he sè owẹn godo tọn lẹ lọ. Ṣogan yìgọ̀yìgọ̀ lẹ sọ tin, ṣogan ojlẹhe tọn po enẹ tọn po sọ tin. Bọ kọ̀ndopọ́ sọ yín gbigbà hányánhányán. Podọ agbasa lọ yín vúnvún pé. Na etẹwutu, dó omẹ dopodopo jlo na sisẹ́ adọwhẹ́n yétọn lẹ po titò yétọn lẹ po do titò Jiwheyẹwhe tọn mẹ. Enẹwutu, ehe lẹpo dóna doalọte. Mí dóna sọawuhia nukọn Jiwheyẹwhe tọn kẹdẹdilé yè dọ ẹto owhé Kọnẹliọsi tọn gbè, dọmọ,“nado sè onú he yè degbena we sọn Oklunọ de lẹpo.”

E ma yín nuhe gbẹtọ lẹ sọgan dọ gba, mọ e  ma sọ yín nuhe yè lẹn kavi to didọ de gba adavo Ohó nugbonugbo Jiwheyẹwhe tọn. Podọ gbọn ohó nugbo he lọ dali wẹ mí dóna yín kinklándówiwé. Nugbo, míwlẹ lọsu ga jlo na yín gigọ́na Gbigbọ Wiwé di nọvisunnu po nọvi yọnnu mítọn hóhó whenu tọn lẹpo. Enẹwutu, eyín dọ mí to tenọpọ́n nújijọ he jọ to hóhówhenu ni sọ sọawuhia dinvie, bé whenẹnu wẹ huhlọn Jiwheyẹwhe tọn dopolọ, po Gbigbọ Wiwé dopolọ po, po aṣọdónu dopolọ po, dóna yín níná hlan mí to ojlẹ godo tọn he lẹ mẹ, eyín onú dopolọ dóna jọ janwẹ. 

Bé mí mẹpó mọdona ehe lọ? dó, eyín gbọn huhlọn mítọn lẹ dali wẹ mí nado wà ẹ, mí ma sọgan dọ ohó he lẹ depope gba. Ná nọvi mítọn lẹ ma gbọn huhlọn yédelẹ tọn dali basi núdepope to hóhówhenu gba, adavo gbọn ehe Oklunọ mítọn dọ dali, dọmọ, “Mì ni dọ̀ngban to otò daho lọ mẹ, kaka yé nado yí huhlọn sọn agà do ṣinyọn mì.”Enẹwutuagùn he Oklunọ to bibẹpli dó agbasa dopo mẹ to azán godo tọn helẹ mẹ biọ agùn ogbẹ̀ tọn lọ mẹ, dóna yín gigọ́na ogbẹ̀ wiwé po huhlọn wiwé lọ po ga.Whenẹnu wẹ ṣiṣẹ onú lẹpo tọn na sọawuhia, é ma na yín míwlẹ gba, adavo Klisti gbọn mí mẹ, mẹhe sọgan dó Ede hia, mẹhe ga ma to ohó kẹdẹ na dọ gba ṣigba azọ́n lẹ ga, mẹhe sọgan dó huhlọn Etọn hia nado whlẹn mí gán, podọ huhlọn Etọn nado hẹ̀n azọ̀ngbọ, podọ huhlọn etọn nado túndote.

Mọwẹ Ewọ lọ wẹ sọgan dó huhlọn wẹndagbe lọ tọn hia to gọfla de mẹ. To Owé yẹwhegán ISAIA tọn ota 58 tọn mẹ, é dọ dọmọ:“Dawha lélé, a hladote blo, zé ogbè towe doaga di opẹn de, bo do ylankan omẹ ṣie lẹ tọn hia yé, podọ ylando owhé Jakọb tọn gbè tọn na yé. Gãnṣoyé to dindin mi egbesọ-egbesọ bo sọ jlo na yọ́n aliho ṣie, di ayiha he to dódó basi, bo ma gbẹ́ sẹ́nliho Jiwheyẹwhe yétọn tọn dai; yé to whẹwhinwhẹ̀n dódó tọn kanbiọ mi; yé nọ basi homẹhùn nado sẹ́pọ Jiwheyẹwhe.” Mì gbọ mí ni nọte na ṣẹju vude. Tofi, Oklunọ dọhó hlan mẹhe lẹ he to wiwà taidi mẹhe ma ko zẹ sọn aliho lọ ji lẹ, taididọ depope to yé mẹ ma koṣinúdewà, taididọ onú lẹpo tin to otẹn yétọn lẹ mẹ.

Jiwheyẹwhe to kinkànbiọ dogbọn ali omẹ helẹ tọn dali. Ojló de tin kẹdẹdilé e yín winwlán to fi dọ, “bo do ylankan omẹ ṣie lẹ tọn hia yé, gãnṣo yé to dindin mi egbesọ-egbesọ bo sọ jlo na yọ́n aliho ṣie, di ayiha he to dódó basi, bo ma gbẹ́ sẹ́nliho Jiwheyẹwhe yétọn tọn dai.”  Mì pọ́n gbẹtọ to whedelẹnujlo nado wá Jiwheyẹwhe de egbésọ egbésọ bo nọ to didọ, dọmọ, “Oklunọ E, etẹwẹ ali Towe? “Etẹwẹ ojlo Towe?” E sọgan wájọ bọ Jiwheyẹwhe na pọ́n hlan mímẹ bo mọ dọ, mí to onú he mí ko yọ́n kanbiọ Ẹ dọ, “Etẹwẹ ojlo Towe?” Ewọ yọ́nẹn dọ mí mọdonaṣogãnmí to kinkànbiọ Ẹ, dọ, “Oklunọ E, aliho tẹwẹ Hiẹjlo dọ yẹn ni gbọn?”Ṣogãn mí tindo kandeji dọ mí tin to aliho jijlọ lọ ji. Ná ohókanbiọ mítọn po linlẹn mítọn panukọn Jiwheyẹwhe nido yín mimiọn bo ma nado yín lé Jiwheyẹwhe jlo e do.Mílọsu ga he jẹgodo na Jiwheyẹwhe lẹ dóna kanbiọ bo sọ kanbiọ po ayiha wiwé de po dọ, “Jiwheyẹwhe E, bé yẹn tin to aliho jijlọ he Hiẹ jlo na mì lọ ji?Bé mí to ofi he Hiẹ jlo dọ mí ni tin te taidi omẹ Towe lẹ?

Eyín mí lẹn dọ mí ko tindo dọpọ́n onú lẹpo tọn, kavi dọ mí ko tindo onú lẹpo, bọ whenuena mí wá plidopọ e ma na yín dọ mí pli nado dọyẹwhehó podọ nado hodẹ̀poun wẹ gba, etẹwẹ Jiwheyẹwhe sọgan lẹ́n gbọn mítọn dali kavi yí mí do wà? E ma yín mọ gba, mí jlo na yigbè dọ onú delẹ pò na mí he ma sọgbe po ojlo Jiwheyẹwhe tọn po gba. Onú he Jiwheyẹwhe basi ma nọte to opẹ́dido kẹdẹ ji gba. Enẹwutu mì gbọ na alihó Oklunọ tọn ni yín didohia mí whlà susu. Podọ ná mí ni sọ mọdona ojlo Etọn odé bọ do odé go. Na kọ̀ndopọ́ mítọn hẹ Jiwheyẹwhe mítọn ni wá sisósisó mẹ.

E nọ wájọ bọ gbẹ̀zán gbigbọnọ mítọn tọn ma nọ tindo adọ̀, yèdọmatin adọ̀ depope gba. Bọ sisósisó gbigbọmẹ tọn depope matin, mọ ogbẹ̀ wiwé de ma sọ tin sọmọ bọ ohia dona tọn depope ma sọ nọ pò to mí mẹ. Alé tẹwẹ ogbéyíyí mítọn yín Jiwheyẹwhe ma yígbè ná ede nado de nukun sọn núṣiwà mítọn lẹgo to whenuena mí to nukundido Etọn tọn mẹ, na Ewọ nido hẹn mí wá dotẹn he mẹ Ewọ sọgan dó gigo Ede tọn hia to aigba ji te. Bọ Ewọ nado biọ Etọnnọ lẹ mẹ, yèdọ to yẹn po hiẹ po mẹ. Podọ na míwlẹ lọsu nido sọgan nọ hodẹ̀ po ayiha wiwé de po dọ, “Oklunọ E, gbọ e ni yín yinọnẹn dọ Hiẹ wẹ Jiwheyẹwhe mí omẹ Towe lẹ tọn.”

Na mí ma nado yígbè po onù mítọn lẹ kẹdẹ po gba, adavo dọ e ni yín didohia nugbo-nugbo dọ Hiẹ Oklunọ lọ wẹ Jiwheyẹwhe mítọn dọ, “Míwlẹ sọ wẹ omẹ yìndugbo etọn tọn, lẹngbọ alọ etọn tọn.” Mẹhe É sọgan plàn, he É sọgan dona, bo nasọ to núdùdù ná, yèdọ mẹhe É na nọ zán lẹ. Ofi to Owéfọ ehe mẹ e dọ dólé dọ,  “bo ma sọ yí homẹfifa do nọtepọ́n ẹn.” Mí ma sọ tindo homẹfifa do onú he mẹ mí gbọagba te ba. Enẹ lọ wẹ to tukla hẹn wá to azán egbè tọn lẹ mẹ.Etẹwutu wẹ gbẹtọ lẹ to ojlẹ yọ́yọ́ lẹ zédai hlan kọlẹ́wá Oklunọ lọ tọn? Etẹwutu wẹ yé jlo na zé onú devo lẹ dai? Etẹwutu wẹ? Yé ma tlẹ sọ tindo homẹfifa ba. Yé masọ tindo homẹfifa panukọn ojlẹ Oklunọ lọ tọn ba. Nawẹ Whlẹngantọ dọhlan Malia whenuena é wá Ede bo dọ hlan Ẹn dọ, “yé ma tindo ovẹ́n gba.” É sọ dọ hlan ẹn dọ, “Nawe, etẹwẹ yẹn do na wà hẹ we? Ojlẹ ṣie ma ko wá gba.” Jiwheyẹwhe tindo titò ehe mẹdepope ma sọgan diọ ẹ. Ganṣo mí jlo na tin to titò Etọn mẹ ga.

Ṣigba, ehe lẹ ma sọgan jọ gbọn zédai de dali gba, adavọ dọ e ni yín zizédai gbọn ojọmiọn po Ohó Jiwheyẹwhe po tọn dali. Dinvie, etẹwẹ to jijọ, gbẹtọ lẹ ma sọ tindo homẹfa ba. Ahọludu Jiwheyẹwhe tọn ma sọgan yín whinwhàn gba, na “Mọwẹ” podọ “Niṣẹ” wẹ ohó Etọn lẹpo po opàgbe Etọn lẹpo po. Yẹn ma na wọ̀nji sọn vivọnu owhè kandegbantọ́n-nukun-awètọ (77) tọn godo,wẹ nọvi lẹ dọ hlan mi dọ, “Mọwẹ, Oklunọ ko wá.” Mì omẹpó wẹ sọ yọ́nẹn dọ yẹn ma yíse do enẹ lọ mẹ gbọn alọdepope mẹ, na onú he tin to Biblu mẹ kẹdẹ mẹ wẹ yẹn yise te. “Jesu he lọ, he yé yí do olọn mẹ sọn mì de, nasọ lẹgọ̀ wá dilé mì mọ ẹnbọ e jei olọn do. Owalọ 1 afọ 11.

Hlan yẹn, wẹndagbe devode ma sọ tin, adavo dopolọ, wẹndagbe Jiwheyẹwhe tọn, yèdọ wẹndagbe Jesu Klisti tọn. Podọ mẹhe tin to gbigbọ jijlọ lọ mẹ lẹ wẹ na tin to wẹndagbe nugbo he lọ mẹ. Na É ma na dẹ̀ hlan adusi kavi amiọn mẹ, nado hẹn magbọjẹ wá gbọn amìsísa gbigbọ devo de tọn dali gba. Onú mọhunkọ tọn susu ko jọ ehe mí ma tlẹ sọgan dọ. Ṣigba, Nugbo wẹ yẹn dọhlan mì, Ohó Jiwheyẹwhe tọn he lọ sọawuhia dinvie gbọn Gbigbọ Jiwheyẹwhe tọn dali. Podọ mẹdepope he tọ́n sọn Ohó he lọ mẹ, na tin to amìsísa gbigbọ devo tọn glọ. Gbigbọ Jiwheyẹwhe tọn kẹdẹ wẹ sọgan whlá mí to nugbo Ohó lọ tọn  mẹ, podọ whenẹnu wẹ, “ Nugbo lọ na hẹn mí jẹ mẹdekanu.” “na plán mì biọ nugbo lẹpo mẹ.” 

Enẹwutu mì ni tindo linsinyẹn, kẹdẹdilé Jakọb wlán do dọ, “Enẹwutu, mẹmẹsunnu emi, mì sinyẹnlin kaka jẹgigọ̀wá Oklunọ tọn whenu. Na mí dó hùdo linsinyẹn tọn.”Ṣigba dinvie, mì ma damlọn yìkanmẹ nado blí sọn adà de mẹ biọ adà de mẹ blo, na mì ni nọ họ́ mìde bo dọ, “Oklunọ E, nawẹ e na dẹnsọ bọ hiẹ nado tin pò mí po? Etẹwẹ Hiẹ jló na wà hẹ togùn Towe dinvie?Ná mí dóna biọ nọ̀tẹn gbigbọ tọn lọ nado tindo ayiha dopo podọ alindọn dopo. Onú he jẹagọdo yénọzo lẹpo dóna doalọte, bo gbọ na mí ni jẹpọ dinvie hẹ Jiwheyẹwhe podọ hẹ mínọzo lẹ na Gbigbọ Jiwheyẹwhe tọn nido sọgan gọ̀flá to mí mẹ, na Ewọ nido zán mí. Na huhlọn mítọn to Jiwheyẹwhe mẹ nido tindo adọ̀ topọninọ̀wiwé de mẹ podọ to gbigbọ gbènọ̀pọ he tọn lọ mẹ.

Etẹwẹ mì nọ lẹnpọ́n to whenuena mí tin to gbènọ̀pọ dopo yínyín tọn mẹ, yèdọ dopo yínyín to nukun Jiwheyẹwhe tọn mẹ, e ma yín dọ mí to yíylọ ẹ dọ dopoyínyín tata wutu gba, ṣigba gbènọ̀pọ Jiwheyẹwhe tọn de, dopoyínyín wiwé de, ohónámẹ wiwé de, núdohia biọ Owé Wiwé mẹ, biọ núdabla Ohó lọ tọn lẹpo mẹ nado lẹzùn ayiha doponọ po alindọn doponọ po, “kaka mí omẹ pó nado wá nọ dopo to yisé mẹ, podọ oyọ́nẹn Ovi Jiwheyẹwhe tọn tọn mẹ.”?Etẹwẹ mì nọ lẹn to whenuena mí zé ogbé mítọn lẹ daga to odẹ̀hihò mẹ to dopoyínyín wiwé Ojlo Jiwheyẹwhe tọn tọn he mẹ? Huhlọn Jiwheyẹwhe tọn na yín didohia to omẹ Jiwheyẹwhe tọn lẹ ṣẹnṣẹn bọ fininọ̀ lẹpo na sọ whàn.

Mọwẹ ete to whèlẹponu bọ Jiwheyẹwhe sọ to kunnu etọn dè, na mẹdepope ma ko tin he hia Owé Wiwé bo nọ ma mọdona onú he Jiwheyẹwhe wà to agùn tintán tọn lọ mẹ, bo ma sọ dẹ́ndona na lé yé dokun bo sọ viavi sọ na alindọn yétọn nido tọ́n jẹgbonu, “Jiewheyẹwhe E, basi onú dopolọ ga to madẹnmẹehe Hiẹ wà to azán nẹ gbè.” To awa devo ji, mí dópẹ hlan Jiwheyẹwhe na onú he É wà lẹ tọn podọ hlan Ẹn nado biọ ogbọjẹtẹn Jiwheyẹwhe tọn mẹ, e ma yín nado damlọn to gbigbọ mẹ gba. Ṣigba “Ewọ he biọ gbọjẹ Jiwheyẹwhe tọn mẹ nado dèalọ sọn azọ́n mítọn lẹ mẹ” nado biọ azọ́n Jiwheyẹwhe tọn mẹ ehe yín bibasi gbọn Klisti Jesu Oklunọ mítọn tọn dali. Podọ mí sọ yọ́nẹn dọ míwlẹ wẹ alọnúzọ́n Jiwheyẹwhe tọn he É basi hlan  gigo po yẹyí Ede tọn po.

E sọ dọ ehe dogbọn nùbibla tọn dali dọ, “Etẹwutu wẹ míwlẹ to nùbla, bọ hiẹ ma mọ? Etẹwutu wẹ míwlẹ bianukunna ayiha mítọn, bọ hiẹ ma sọ yọ́nẹn? Nugbo, mí nọ donukun Jiwheyẹwhe to nújijọ delẹ mẹ to whèdelẹnu bo ma nọ mọyí. Ohókanbiọ lọ wẹ yín dọ, “Etẹwutu wẹ mí do nọ wà ehe kavi enẹ? Etẹwutu wẹ hiẹ mado mọ yí? E sọ dọ dólé dọ, “dayi e go, azán nùbla mítọn tọn gbè, mí to gbẹ̀dù, bo sọ to huhlọn yí do hẹn omẹ wàzọ́n mìtọn lẹ. Dayi e go, mìwlẹ to nùbla na avùn po núdindọ̀n po, podọ nado yí akòtokún ylankan tọn li omẹ: mì blanù di egbé tọn he blo, na yé nido hẹn ogbè mìtọn zùn sisè to aga. Odẹ̀po nùbibla po dóná yín jijlọ to nukọn Jiwheyẹwhe tọn. Mì ma dike na mí ni blanù na nújijọ de tọn kẹdẹ wutu blo. Mẹyinwanna lẹ emi, etẹwutu wẹ onú helẹ pó do yín wínwlán dai? Ná Jiwheyẹwhe jlo na dè akọta de sọn míwlẹ mẹ wutu. Eyín yè blanù, gbọ yè ni blanù jijlọ bo sọ hodẹ̀jijlọ, Eyín yè to yẹwhehó dọ, na yè ni dọ ẹ jijlọ. Na onú lẹpo nido yín wiwà to wànyi mẹhlan Jiwheyẹwhe kẹdẹdi Ohó vivẹ́ Wiwé Etọn tọn. Na e nẹ wẹ alèwezùn yẹwhehó lọ tọn. Na yè nido hẹn mí wá gbènọpọ mẹ hẹ Jiwheyẹwhe.

Mí sọgan nọte kakajẹ ojlẹ he Oklunọ dè lọ na Ede nado sọawúhia.  Mí mọ to osọ whèjai po awhanpa jọunjọja gbẹtọ yí oko hunkọ  tọn lẹ mẹ. Dọ húvẹ tin ṣigba omẹ lẹ lọ ma tindo mẹhe sọgan gọ̀kọna yé gba. Bọ onú he jẹ dọ yé ni tindo to pọ́ninọ̀mẹ lẹpo ma sọ tin to pọ́ninọ̀ mẹ bà gba. Onú lẹpo wẹ yín gbigbàdó ehe jẹ na pọ́ninọ̀ lẹ. Enẹwutu gbọn jọmiọn dali, Jiwheyẹwhe ko gọ̀alọna mí to ojlẹ he wáyì lẹ mẹ, yẹn na jlo nado zín awọntẹn dó ehe lọ ji dọ, gbọn jọmiọn dali, É na hlan mí nukúnmọnú gbigbọ hókọnamẹ Etọn tọn to alọ he mẹ ehe ma ko yín gbọn dólé yẹn jlo do gba. Na ehe lẹpo jẹ dọ yé ni tindo whèjijọ de yé nasọ tindo e janwẹ. 

Enẹlọ wẹ yíndọ, Jiwhẹwhe gbọn huhlọn Etọn dali hẹn mí biọ gbènọ̀pọ́ dopoyínyín tọn de mẹ po Ewlọsu po, bo sọ hẹn mí wá ofí he Ewlọsu jló na mí. Na mẹdepope ma to núde wà nado yín mimọ kavi sisè gba. Naomẹ dopodopo wẹ ko mọ́n ede bo sọ to didọ dọmọ, “Oklunọ E, yẹn ma jẹ na Hiẹ ni túntòai hlan mi gba.” Bé hiẹ ko do mọ gbède? Whlasusu wẹ yẹn ko nọ dọ do mọ. Yẹn ma to didọ, dọ, mì ma sọgan mọdona núhe yẹn ko dọ hlan Jiwheyẹwhe lẹ gba. Mẹnu wẹ sọgan pọ́n hlan dagbe ede titi tọn? Bé yẹwhegán Alẹ̀nù Hóhó mẹ tọn de ma dọ, dọmọ, “dódó mítọn lẹpo sọ taidi núkija he hiyọawu”? Etẹwẹ sọgan nọte to nukọn Jiwheyẹwhe tọn? Na ylando mẹ wẹ yè jì mí mẹpó te, bọ Adam hóhó lọ gbẹ́sọ tin to mí de eyín mí ma họ́ali do sọ nọ aṣeji. Etẹwẹ mí ko dọ dai ?, “Mí yín nuhe mí yín gbọn jọmiọn dali”podọ mí tindo awágùn to jọmiọn Jiwheyẹwhe tọn mẹ.

Ofi, É dọ, dọmọ,“Bé nùbla he hunkọ wẹ yẹn dè? Azán na gbẹtọ nado bianukunna ayiha etọn?”  yẹn ma na wọnẹn gbède. Yẹn ma tlẹ jlo na dọ whinwhàn lọ gba. Ná mẹlẹpó wẹ tindo odẹ̀vọ yetọn lẹ podọmẹdopodopo wẹ sọ tindo ojẹ̀ yetọn po afín po to e mẹ. Yèdọ whinwhàn Pẹntikọti tọn de wẹ. Yé tindo yẹwhegán lẹ po onú mọhunkọ tọn lẹpo. Eyín dọ yẹn ma yì piplimẹ yétọn lẹ to asiko he wá yì lẹ mẹ yẹn ma na mọdona kavi yise gba. Yè ma yígbè na mẹdepope nado biọ ohọ̀yétọn lẹ mẹ pó afọpa yétọn lẹpo gba. Yé tindo jlọjẹ nado dè afọpa yétọn lẹ dai to gbonu. Podọ yé tindo odẹ̀vọ po afín po to núwhẹnwhàn ojẹ de tọn mẹ. Whenẹnu wẹ núwiwà yétọn lẹ na ṣẹ.

Mì yí enẹ lọ sè blo. Yẹn ma to ehe lẹ dọ nado yín núpàṣa de hlan mì gba. Ṣigba yẹn to ehe lẹ dọ ná vivẹ́ alindọn lẹ lọ tọn wutu.  Na omẹ ehelẹ nọ lẹndọ yésọgán wá nukọn Jiwheyẹwhe tọn nado wà basi ovẹvivẹ de to odẹ̀vọ po afín po mẹ. Bọ yé sọ yí owéfọ lẹ bo do to gbèyíná dọ yẹwhegán de tin ehe “lẹnvọjọ to odẹ̀vọ po afin po mẹ.” Bo lẹndọ yé sọgan wà mọ ga. Nugbo yé ma ko mọ owéfọ he hia gba, ofi he yẹwhegán lọ to didọ te, dọmọ, “bé nùbibla he hunkọ wẹ? Nado li otà etọn ai di woko, podọ nado tẹ́ odẹ́vọ po afin po to glọ etọn? Be hiẹ na ylọ ehe nùbla, podọ azán tẹalọyi hlan Oklunọ?Lala. Etẹwutu, na enẹ lọ na taidi alọtúndomẹde dọmẹdezéwhè ma yín dọ mí ni dẹ́ otà mítọn lẹ do odò kẹdẹ gba, kavi mí ni bẹ́ afọ mítọn lẹ dó saki de mẹ gba. Ayiha mẹ wẹ mẹdezéwhè tin te. Dinvie, mẹdezéwhè wiwé de hunkọ wẹ Jiwheyẹwhe jlo na mí. Mọwẹ Oklunọ mítọn dọ to Yẹwhehó Etọn lẹ mẹ to Osó ji dọmọ, “podọ whenuena mì blanù, yí amisisá sá do ta towe bo klọ́ nukunmẹ towe.”Halleluia! Mì pà Jiwheyẹwhe.

Enẹ dohia dọ mí yise to odẹ̀ mítọn lẹ mẹ bo sọ dotundo Jiwheyẹwhe go dọ Ewọ na ná mígblọndó yétọn lẹ.To awà devo ji, yèdọ po ayiha whiwhẹ de po. Eyín yè ma ko dọ ẹ to ofi dai dólé mí na nọ hodẹ́ do, bé whenẹnu wẹ mí na nọ hodẹ́ to odẹ́vọ po afin po mẹ bọ Jiwheyẹwhe nasọ sè. Ṣigba enẹ ma yín alihò Jiwheyẹwhe tọn hlan mí gba. Aliho Jiwheyẹwhe tọn hlán mí wẹ aliho yise tọn po tónúsisè tọn po, nado hẹn mídelẹ biọ gbèyíyí de mẹ hẹ Jiwheyẹwhe, podọ hẹOhó Etọn to onú lẹpo mẹ.Be hiẹ na ylọ ehe nùbla, podọ azán tẹalọyi hlan Oklunọ?

Bé gbẹtọ de sọgan bianukunna ayiha etọn nado li otà etọn ai di woko, podọ nado tẹ́ odẹ́vọ po afin po to glọ etọn? Be hiẹ na ylọ ehe nùbla, podọ azán tẹalọyi hlan Oklunọ?Lala.

Jiwheyẹwhe jló na dè gbẹtọ ayiha whiwhẹnọ pipé lẹ to mímẹ, mẹhe nanọ dotúndó ojọmiọn Jiwheyẹwhe tọn go lẹ bo nasọ yọ́nẹn dọ, “Nunina dagbedagbe po nunina he sọgbe lẹpo po Jiwheyẹwhe de yè sọn.” Gbọn tónúsisè po yise po kẹdẹ dali wẹ enẹ lẹ sọgan yín wiwà. Eyín mí ma tin to aliho Jiwheyẹwhe tọn ji, bo to odẹ̀hò bo sọ to nùbla, bo to otà mítọn lẹ zé daga to odẹ̀vọ mítọn po afin po mẹ, e ma na wà dagbe de na mí gba. Dinvie mì gbọ mí ni mọdona nùbibla nugbo lọ to nukọn Jiwheyẹwhe tọn. To afọ ṣidopotọ (6) lọ mẹ, “bé e ma yín ehe wẹ nùbla he yẹn dè? Nado tún ajá ylankan tọn, nado tún agbàn pinpẹn lẹ, nado jó mẹsinyẹnawuna do ni yì, podọ nado wẹ́n zẹ̀gẹ lẹpo?

Mì zé owéfọ ehe lọ jlẹdó Isaia otà kandeko-nukun-dopotọ (61) lọ go, dọ,“Gbigbọ Oklunọ Jiwheyẹwhe tọn tin to oji e; na Oklunọ ko yí amisisá do dè mi nado dọ yẹwhehó wẹndagbe tọn hlan homẹmimiọnnọ lẹ; e ko do mi hlan nado basi pọ́ngbọ ayiha awubla nọ lẹ tọn, nado lá mẹdekannujẹ hlan mẹmẹglọ lẹ, podọ hùnhùn ogànhọ̀ tọn na ogàntọ lẹ, nado lá owhè alọkẹyí Oklunọ tọn.” Ehe wẹ devizọ́nlọ he jẹ na agùn lọ ni to lilá pe. Na mẹmẹglọ lẹ,yèdọ mẹhe ma sọgan gọalọna yède lẹ, ma sọgan mọ owhẹgbledo gba. Yé dó hùdo ohó huhlọnnọ Jiwheyẹwhe tọn tọn ehe dali huhlọn Jiwheyẹwhe tọn sọgan yín didohia te, na ogàn lẹ nido yín gbigbà.

Mí flín whenuena Pita tin to ogànhọ̀mẹ, kavi Paul sọ wẹ, mẹdepope he e sọgan yín, tin to finẹ pò afọ etọn pò to biblà, bo pọ́n onú de jọ to finẹ ajiji, bọ yè sọ na ẹn mẹdekannujẹ na e nido yì. Onú wiwé de dóna sọawuhia, yèdọ onú he do huhlọn hú ehe dọ̀n mí plídopọ́, onú he yín aliglọ́nnu hlan mí bo sọ hẹn mí dote. Mọ yín e sọ yíndọ huhlọn kẹntọ tọn wẹ, mí ko dọdai dọ, huhlọn awè wẹ tin, ṣigba dopo wẹ huhlọnnọ. Mí sọ yise po ayiha mítọn lẹpo po, po alindọn mítọn po to didọ, dọ, Gánhúnupótọ dopo gê wẹ tin. Enẹwutu Satani po awhànpá etọn lẹpo po dóna litai bo sọ dẹ̀ hlan Jiwheyẹwhe na Ewọ gbàwhàn wutu, podọ hlan Satani lọ, Ewọ ko hẹnjlọjẹ Etọn lẹpo bú panukọn ovi Jiwheyẹwhe tọn lẹ, dọ Jiwheyẹwhe ko flí mí gọ̀, bọ mí sọ lẹzùn nútindo Etọn lẹ podọ Etọn wẹ mí sọ yín.

Mẹnu wẹ tin bo na họ̀ núde, bọ mẹhe de ewọ họ̀núlọ te na sọ to aṣẹpà do onú lọ ji, kavi nọ sọawúhia  bo nọ to didọ, dọ, onú lọ gbẹsọ tin to alọ etọn mẹ? Enẹ ma na yíndagbe gba. Túkla lẹ na tin to awà awé lẹ ji. Na sọn whenuena Jiwheyẹwhe ko flí mí gọ̀gbọn Klisti mẹ, É súahọ̀ mítọn gbọn ohùn họakuẹ vivẹ he É kọn dai dali, finẹ wẹ Satani ko hẹn huhlọn Etọn bú to mí de. Dinvie lo, mí dóna dọ ẹ po adọ̀gbigbó yise tọn de po jẹgbonu dọ, “ayiha mítọn lẹ wẹ mí do yise bo sọ yí onù mitọn lẹ do yígbè.” Eyín mí yísè po ayiha mítọn lẹpo bo ma yí onù mítọn do dọ ẹ, enẹ dohia dọ yise lọ ma tindo azọ́n, ná okúnnu yise mítọn tọn wẹ, ehe tọn dali yè wlán ẹn dọ, “yè gbànwhan etọn gbọn ohùn lẹngbọvu lọ tọn dali podọ gbọn ohó okúnnu yétọn lẹ tọn dali.”

Ohó Jiwheyẹwhe mítọn tọn dóná lẹzùn okúnnu mítọn. Eyín mí pàyi kẹntọ mítọn lẹ go, bo yiseto onú lẹ mẹ ṣigba bo ma yí onù mítọn lẹ do dọ ẹ, núdepope ma na jọ gba. Mẹdepope he jlo na mọ kavi jlo nado tindo dọpọ́n jọmiọn Jiwheyẹwhe tọn, dóna kẹ onù etọn bo dọhó hlan Jiwheyẹwhe. Mẹdepope he tin to kanbibla mẹ, sọgan yise họ owhè kanwè-ko (100) to ayiha etọn mẹ dọ, “Oklunọ na tún mi dotè.” Mọwẹ e nasọ yí owhè kanwè-ko (100) bo basi i, eyín mí tlẹ yise bo ma yí onù mítọn do dekunnu etọn. Ṣigba eyín mí dèkunnu onú he mí yisè to ayiha mítọn mẹ lẹ tọn, to yisè he lọ mẹ dọmọ, “Oklunọ lọ ko tún mi dote, yẹn ko mọ túndote. Plaun wẹ e na sọ yín mọ. Pipa na Oyín Towe, na alọ̀ Satani tọn ma sọ tin to go é ba. Towe wẹ yẹn Oklunọ, Jiwheyẹwhe ṣie, na hiẹ ko flí mi gọ̀.”

Mì nasọ mọ dọ é nasọ tin ba, na awhàngbigbà Jiwheyẹwhe tọn wẹ na sọawuhia dinvie, bọ e na páṣa mí bọ mí na nọ lẹn dọ, “mọwẹ, mọ poun wẹ.” Enẹwutu mì ma dikè mí jẹtukla ba blo. Yẹn mọdona lé awhàn lọ sọgan ṣinyẹn sọ, pataki yìgọ̀yìgọ̀ he tin to emẹ lẹ, po agbọ́pémẹ lẹpo po lẹdo. Mì gbọ mí ni hia, “bé e ma yín ehe wẹ nùbla he hunkọ wẹ yẹn dè? Nado tún ajá ylankan tọn, nado tún agbàn pinpẹn lẹ, nado jó mẹṣinyẹnawuna do ni yì, podọ nado wẹn zẹ̀gẹ̀ lẹpo? Etẹwutu wẹ Jiwheyẹwhe mítọn do dọ hlan Pita to whenẹnu dọmọ, “Yẹn na mì huhlọn…” mí omẹpó sọ mọdona dọ e ma yín hlan Pita kẹdẹ gba adavò aposteli he pò to fọ́nsọnku Etọn godo lẹpo gã. E dọ to wẹndagbe Johanu tọn mẹ dọ, lé Otọ́ dó mi hlan, yèdọ mọ wẹ yẹn do mì hlan do.”

Gbẹtọ susu wẹ to ohó he yí jẹagọ, “ylando mẹdepope tọn mì jóna, yé yín jijona hlan yé.”Linlẹn mọ hunkọ tọn madona tin gba.  Núhe dóna tin wẹ didọ flígọ̀zọ́n Jesu Klisti tọn. Enẹgodo wẹ mí sọgan wá dọ hlan gbẹtọ lẹpo dinvie dọ, “Mẹdepope he yise ylando etọn lẹ na yín jijona. Mẹdepope he yise na mọ túndotè yí.” E dọ to ofi dọ, “nado jó mẹṣinyẹnawuna do ni yì, podọ nado wẹn zẹ̀gẹ̀ lẹpo.” Nọvisunnu, po nọviyọnnu vivẹ lẹ po emi, e sọgan yín dọ mì tin to kànbibla mẹ bọ alọ̀ mítọn lẹ ma sọ sọgan tún mì dote. Mọwẹ e te hlan mẹpopo. ṣo bọ mí sọawuhia to agùn mẹ bo jlo nado hòdẹ̀ na mínọzò lẹ. 

Bé mẹde tin to ofi dinvie he sọgan dọ, dọmọ, “ yẹn ma sọgan tún ajá ṣie lẹ gba na yẹn tin to ajá mẹ wutu.” Ayiha mẹvivẹ́ ṣie tọn emi, dáwhà sọ́n sisósisó alindọ́n towe tọnmẹ podọ Jiwheyẹwhe mítọn he tin sẹ́pọ dopodopo mítọn lẹ, na wàzọ́n lọ to mí mẹ, bọ e nasọ paṣa mí dolé e na yín wiwà do. E sọ dọ dólé dọmọ, “whenẹnu wẹ hinhọ́n towe na lọ́n jẹgbonu di afọnnu, lanmẹ lilo towe na yawu wú jẹgbonu; dódó towe nasọ yì jẹnukọnna we, gigo Oklunọ tọn na dọ́n we pli.” Ohó gigo tọn de wẹ ehe lọ sọ yín. “whenẹnu wẹ hinhọ́n towe na lọ́n jẹgbonu di afọnnu.” 

Etẹwẹ e dọ to ofi to Yẹwhegán Isaia otà kande-ko (60) afọ etọn 1 mẹ?“Fọ́n, họ́nun; na hinhọ́n towe wá.”hinhọ́n tẹ hunkọ wẹ? “na hinhọ́n towe wá.”Owé JOHANU tọn dohia Hinhọ́n lọ to otà etọn tintán (1) mẹ dọ, “hinhọ́n lọ sọ họ́n to zinvlu mẹ” yèdọ Jesu Klisti wẹ, “hinhọ́n aihọn tọn lọ.” ṣogan yè na ná mí anádemẹ etọn. Oklunọ Lọsu dọ to Osó ji dọmọ, “Mì wẹ hinhọ́n aihọn tọn, mì wẹ ojẹ aihọn tọn.” Bé mì lé Jiwheyẹwhe hia mí do omẹ Etọn lẹ mẹ ná mí ma nado tin to gbonu, adavo omẹ Etọn lẹ ehe É sọgan zán dó wà núdepope he É jlo. E sọ dọ dọmọ, “whenẹnu wẹ hiẹ na ylọ, Oklunọ nasọ ṣiọ; hiẹ na dawhá, É nasọ dọmọ, Yẹn die.”

Oje,hiẹ ayiha ṣie! Nawẹ e na yíndo nado tindo dọpọ́n ehe lọ tọn, na mí nido zìnzọnlin gbọ ali Oklunọ tọn ji gbọn pinplán Gbigbọ Wiwé tọn mẹ ehe mẹ Jiwheyẹwhe sọgan yín ayàjẹnọ te, nado sọgan tindo kàndeji gblọndo Etọn hlan mí. Kẹdẹdilé yè wlán to ofi dọ, “whenẹnu wẹ hiẹ na ylọ, Oklunọ nasọ ṣiọ.” Bé e ma yín mí mẹpó wẹ to tenọpọ́n gblọndo Jiwheyẹwhe tọn? Mí mẹpó wẹ. “whenẹnu wẹ hiẹ na ylọ, Oklunọ nasọ ṣiọ; hiẹ na dawhá, É nasọ dọmọ, Yẹn die.” Ṣigba ehe wẹ bọdó e go, “Eyín hiẹ yí zẹ̀gẹ̀ alọvi yẹyẹ dindlẹn, po ohó vọ didọ po sẹ̀ sọn ṣẹnṣẹn towe.”

Nugbo-nugbo Mẹdepope he na dlẹn alọ etọn nado kò awetọ etọn odẹ́ etọn ma na yín sisẹ̀ gba.Nuhe Oklunọ mítọn dọ to Owé MALKI tọn otà ṣinawe (7) afọ etọn ṣinawe (7) mẹ yín didohia to ofi dọmọ, “ṣigba ovọ́ mẹ wẹ yè to taliaina mi.” Ohógo dopo hedobú titégbè, he yín dọmọ, ovọ́ mẹ. Yé to hanji to ovọ́ mẹ. Bo to odẹ̀hò toovọ́ mẹ, bo sọ to sinsẹ̀n basi to ovọ́ mẹ. ovọ́ mẹ yèdọ to ovọ́ mẹ. Podọ ehe jẹgódona ovọ́ lẹpo wẹ onú dobú ylankan lọ. Ná yè ko dọ hlan mí lé é na jọdo dọmọ,Eyín hiẹ yí zẹ̀gẹ̀ lọ sẹ̀. Gbẹtọ susu wẹtin to zẹ̀gẹ̀ gbigbọ tọn de mẹ. Bọ yè nọ dọ hlan yé omẹ mọhunkọ tọn lẹ dọmọ, eyín hiẹ ma kẹalọyi núplọ́nmẹ ehe lọ, bé hiẹ ma yín dopo gba.Yé mẹpo wẹ tin to zẹ̀gẹ̀ mẹ.

Taidi dopo yétọn de tindo huhlọn kavi aṣẹpipa de nado dóalọtun whlẹngan mẹdevo tọn kavi dọ gbẹtọ de tindo jlọjẹ nado whlẹn mẹdevo gan. Jiwheyẹwhe Oklunọ mítọn kẹdẹ de wẹ whlẹngan tin te, podọ Éde wẹ gbẹtọ lẹpo nọ mọyí te. E blawu na gbẹtọ de nido tin to zẹ̀gẹ̀ de mẹ. E nẹlọ wẹ gbẹtọ lẹ sọ yínwanna, na yé ma sọgan tindo mẹdekanujijẹ gbigbọ tọn lọ wutu.Osẹ́n lọ dóna sọawuhia whlàsusu. Bé mí ma ko sè? Jiwheyẹwhe ko wléawu onú lẹpo tọn hlan ovi Israẹli tọn lẹ, po opàgbè lẹpo ṣigba to nukun whiwhè dopo mẹ yé mẹpó wà enẹ he yé jlo lẹ. Ṣogan Jiwheyẹwhe zé onú susu na yè nido wà ṣigba yé ma sọ pégò nado basi yé gba.

Jiwheyẹwhe zinzọnlin to alihò whanpẹnọ de ji hẹ Ablaham, po Isaki po, po Jakọb po. Bọ “hiẹ ma sọgan” po “hiẹ dóná” po, de ma sọ tin. Yé basi opli hẹ Jiwheyẹwhe bọ pàgbe po onú lẹpo po sọ jẹgona yé. Eyín mí pọ́n hlan agùn Alẹ̀nù Yọ́yọ́ mẹ tọn bo zé jlẹdo azán egbè tọn go, mí na mọ dọ, zẹ̀gẹ̀ gbigbọ mẹ tọn, po sinsẹ̀n mẹde titi tọn bibasi lẹpo yín zizé jlẹdò tunmẹ mẹde titi tọn po anademẹ mẹde titi tọn po go, po alọdlẹndo omẹ lẹpo po bo to didọ yé ma tin “to e mẹ.” Yẹn gbẹ́ nado tin to ehe tọ́n sọn gbẹtọ de lẹ mẹ kavi ehe tọ́n sọn adà awetọ ji nado zán gbẹtọ lẹ.yẹn jlo na tindo kọ̀ndopọ́ wiwé nẹ kakajẹ vivọ̀nu podọ kẹdẹdi Ohó Etọn. Halleluyah! Pipà ni tin hlan Jiwheyẹwhe.

Kọ̀ndopọ́ wiwé nẹ tin gbọn Gbigbọ po Ohó Jiwheyẹwhe tọn po kẹdẹ dali. Onú he pò lẹpo, tunmẹ gbẹtọ tọn he tin jẹagọkẹdẹ lẹ wẹ ehe yín hinhẹn zùn yín yọ́nen. Mì yise to yé mẹ blo. Mí mẹpósọ mọdona dọ azán lẹpo ko juwayì, bọ onú lẹpo dóna yín didohia dọ mẹpopo to azọ̀n Gbigbọ tọn de jẹ. Bọ yé ma sọ sọgan gọalọna yéde lẹ. Ná yé wlán ẹn dọ, “mẹde ma yọ́n owhenu kavi ojlẹ he Otọ́ yí do huhlọn ede Etọn mẹ.Oklunọ mítọn Lọsu dọ to ofi dọmọ,“yèdọ Ovi Gbẹtọ tọn de kavi angẹli he tin to olọn mẹ lẹ de ma yọ́nẹn.”Dinvie mẹnu wẹ sọgan dọ dọ “Jiwheyẹwhe ko dó azán lọ hia mi ?.”

Ṣigba eyín ohógo “núdohia” tọn dọnú, finẹ wẹ omọ̀ lọ te. Omẹ vude wẹ na mọ dọ omọ̀ de tin to fide. E yín winwlan to ofi dọ, “Eyín hiẹ yí zẹ̀gẹ̀ alọvi yẹyẹ dindlẹn, po ohó vọ didọ po sẹ̀ sọn ṣẹnṣẹn towe bo sọ dọ̀n ayiha towe jẹgbonu hlan huvẹtọnnọ de.” Bé mí mọdona núhe enẹ lọ yín? “Enẹwutu onú depope míwlẹ jlo gbẹtọ ni wà hlan mí, mọkẹdẹ wẹ mí ni wà hlán yé. Eyín hiẹ dọ̀n ayiha towe jẹgbonu hlan huvẹtọnnọ de, bo sọ pékọna ayiha he yè ko bianukunna; whenẹnu wẹ hinhọ́n towe na họ́n to zinvlu mẹ, zinvlu towe nasọ taidi owhè sadàda.” Ehe wẹ núdohia lọ ehe sọgan dohia mí lé mí sọgan wá ogbẹ̀ mẹ hẹ Jiwheyẹwhe, podọ biọ gbèyíyí de mẹ hẹ po Ohó Etọn po. 

Nukunmọjẹnugo lọ wẹ yín dọ, “mí ni na pékọna mẹhe huvẹ to hùhù lẹ po ehe mí tindo ojló etọn nado dù” Etẹ, núvivẹ de wẹ enẹ lọ yín talala. Yèdọ ehe hiẹ lọsu jlo na dù, enẹ lọ wẹ Ohó Jiwheyẹwhe tọn. Na yè wlán ẹn dọ, “gbẹtọ ma to ogbẹ̀ gbọn aklà dopo kẹdẹ sinmẹ gba, adavo ohó he tọ́n sọn onù Jiwheyẹwhe tọn lẹ kẹdẹ dali.”Enẹwutu yé ma na mí onú devode adavo Ohó Jiwheyẹwhe tọn. Dinvie, ohókanbiọ lọ wẹ yín dọ, bé mí tindo huhlọn nado ná omẹ onú he ma yín ohó Jiwheyẹwhe tọn? Mí gbọ mí ni ná hlan omẹ ehe mí lọsu tindo hùdo etọn nado pékọna alindọn mítọn lẹ, mí yise dọ enẹ lọ wẹ Ohó Jiwheyẹwhe tọn. 

Nawẹ mí sọgan na onú devo yé nado pékọna ayiha he yè ko bianukunna lẹ? “Whenẹnu wẹ hinhọ́n towe na họ́n to zinvlu mẹ, zinvlu towe nasọ taidi owhè sadàda.” Nugbo, onú delẹ sọgan nọ ma wá hinhọ́n mẹ dolé mí jlo dọ yé ni nọ. Ṣigba Oklunọ mítọn ma jó mí dó zinvlu núdepope tọn mẹ gba. Núlẹpó ko yín didohia mí to ofi. To awa devo ji,onú lẹpo ko yín winwlán tofi dọmọ, “Whenuena Gbigbọ nugbo tọn lọ wá, ewọ na plan mí biọ nugbo lẹpo mẹ.” Afọ widopotọ (11) lọ dọmọ, “Oklunọ na nọ dèana we to whepoponu, bo sọ pékona ayiha towe to ofi húhú, bo sọ hẹn ohú towe do ojo: hiẹ nasọ taidi ojipa he yè husin na, podọ di odòtọ sisa he osìn etọn ma na vọ.” Pipa hlan Jiwheyẹwhe. Halleluyah. 

Etẹwẹ Oklunọ mítọn dọ to Owé Wẹndagbe JOHANU tọn otà ṣinawe (7) afọ etọn gbàntọnnukun-dopo (36) mẹ? "Ṣigba osìn he yẹn na na ẹn, na lẹzùn odotọ̀ osìn tọn de to ohò etọn mẹ.” Oklunọ Jiwheyẹwhe mítọn jlo na kọ̀n Gbigbọ Etọn jẹgbonu.“Mí nasọ taidi ojipa he yè husin na, podọ odòtọ de nasọ tonjẹgbonu.”Nawẹ e yọ́n bo sọ jẹaṣọ do nado mọdona ehe yè ylọ dọ ofi húhú lẹ, po fie onú lẹpo to otà yétọn liai te, bo sọ túnkún te, yèdọ ojipa he yè húsìn na, fie na onú lẹpo tin to jijẹ yétọn lẹ mẹ te. Nugbo-nugbo, ehe wẹ dotẹn núgọ̀donútẹnmẹ tọnyèdọ odòtọ sisa he Oklunọ jlo na dè jẹgbonu to Ziọni mẹ. Etẹwutu wẹ Alẹ̀nù Hóhó dó ná mí apajlẹ dólé dọ, “Osìn lẹ to vivi jẹgbonu sọn ohọ̀ lọ mẹpodọ enẹ wẹ osìn lẹ lọ he jẹte sọn oglọ wá.”Osìn lọ ma to vivi biọ ohọ̀ lọ mẹ gba, Ṣigba sọn ohọ̀ lọ mẹ jẹgbonu wá. Pipa ni tin hlan Jiwheyẹwhe. Halleluyah!

Oklunọ ko wléawu onú dagbe-dagbe lẹ tọn dai na omẹ etọn lẹ to zínhọ̀ mẹ, ṣigba mí dóna tin to  awuwlémẹ bo sọ tindo ojlo to gbigbọ mẹ nado sọgan dọ, dọmọ, “Oklunọ. Jiwheyẹwhe ṣie, gbọ na ojọmiọn towe ni sù to mí ji, bo diọ mí, bo sọ ná mí ayiha he tin na yẹ́yì po pipa towe po, podọ, “Oklunọ na nọ dèana we to whepoponu.” Bé mí jlo dọ Oklunọ ni nọ dèana mí to whepoponu? Awetọ lọ wẹ yíndọ, “É bo nasọ pékona ayiha towe to ofi húhú lẹ.”Gbẹtọ susu wẹ tin to ofi kavi finẹ bo ma tindo jlọjẹ nado basi sinsẹ̀n ṣigba bo mọdona dọ húvẹ ma na hù yé.Ná alindọn yétọn lẹ tin to ayajẹ to núdùdu Jiwheyẹwhe mítọn tọn mẹ wutu. Yé yín máhẹtọ to Ohó Oklunọ tọn mẹ wutu, alindọn yétọn gọ́hò gbọn enẹ lọ dali. 

Enẹwutu wẹ e do dọ dólé dọ: “Whenẹnu wẹ hinhọ́n towe na họ́n to zinvlu mẹ, zinvlu towe nasọ taidi owhè sadàda,Oklunọ na nọ dèana we to whepoponu, bo sọ pékona ayiha towe to ofi húhú, bo sọ hẹn ohú towe do ojo: hiẹ nasọ taidi ojipa he yè husin na, podọ di odòtọ sisa he osìn etọn ma na vọ.” Mọwẹ yẹn hia dó to Owé Wiwé lọ mẹ. Pipa ni tin hlan Jiwheyẹwhe. Halleluyah! Bé mí sọgan yise to enẹ lọ mẹ? Bé mí sọgan mọ lẹwé gbọn nugbo lọ dali? Bé mí sọgan dọ Niṣẹ hlan ohó dopodopo ehe mí ko hia lẹ? ná gbọn gbéyíyí ayiha mítọn tọn kẹdẹ dali wẹ Jiwheyẹwhe sọgan mọ ṣiṣẹ Ohó Etọn tọn te. 

Na eyín mayise pẹvide tin bọ mí wá to yìgọ̀yìgọ̀ basi to mídelẹ mẹ, mì gbọ mí ni gọ̀yìgodo bo ma dike mí ni sọ yí nukọn po Jiwheyẹwhe po ba. Mí dóna dọ niṣẹ hlan Ohó dopodopo, eyín e tlẹ sinyẹn to mí ji, mì gbọ mí ni nọ dọ to ayiha mítọn lẹ mẹ dọ, “Oklunọ Nugbonọ, Hiẹ sọgbè to onú lẹpo he Hiẹ ko dọ lẹ mẹ.” Míwlẹ tọn wẹ whẹgbledo, po nuṣiwà lẹ lọ po, po winyan lẹ lọ po. Mí ko ṣinuwà, Hiẹ kẹdẹ wẹ sọgbè to núlẹpo mẹ. Ṣigba mí wá dewe dinvie, hẹn mí wà Dewe de.” Na owé lọ dọ to ofi dọ, “bo sọ hẹn ohú towe do ojo.”Mítọn wẹ, eyín mí mọdona ehe to gbigbọ mẹ kavi to agbasa mẹ, e pọnte dọ mí ní mọdona naẸn to gbigbọ hú agbasa mẹ. Ná dagbe míwlẹ tọn wẹ. Nugbo!

Na mí jlo dọ yè ni húsìn na awútugonu Oklunọ tọn lẹpo. Oje! na otọ̀sisa de nído sọn Jiwheyẹwhe de wá, kẹdẹdilé yè wlán ẹn dọ, “Oklunọ lọ na ylọ́ odòtọ de tọ́njẹgbonu,”mí ko jihàn etọn whlàsusu. Yèdọ odòtọ de na to sisà taidi ozó huhlọnnọ de, ehe taidi ojipa he yè húsin na de, he dè osìn etọn jẹgbonu. Enẹ lọ vivi na mi talala. Dọ mí na taidi “odòtọ sisa he osìn etọn ma na vọ.”E ma na yíndọ mí na yì dà sọn fide pòun gba.“Osìn he yẹn na na ẹn, na lẹzùn odotọ osìn tọn de to ohò etọn mẹ, he na to sisa hlan ẹn jẹ ogbẹ̀madopodo.Mọwẹ Oklunọ mítọn dọ. É sọ dọ dogọ dọmọ, “Mẹdepope he yí mi sè, dilé Owé Wiwé dọ do, sọn ohò etọn mẹ otọ osìn ogbẹ̀ tọn na nọ sa sọn.”

Mẹyinwanna lẹ emi, ojlẹ ko sọ na mí nido tindo yise. Yín e ma yínmọ, Jiwheyẹwhe ma na zọ́n hẹ mí gba. Podọ eyín mí sọ kẹalọyí ehe bo sọ nọ dọ dọmọ, “Niṣe Oklunọ, mọwe e jẹ do.” “Jiwheyẹwhe ṣie, yẹn dopẹ na we, na Hiẹ ko plọ́nnu mí bo ko sọ dó ali ehe lọ hia mí. Dinvie hẹn mí dójlo nado zinzọnlin to aliho he lọ ji to whenuena ogàn lọ na hò.” Podọ yé mẹhe yín towe lẹ na gbá ofí hóhó he yé ko gbà ki ja lẹ. Hiẹ na zé odòdo whẹndo susu tọn doaga, yè nasọ nọ ylọ́ we dọ jladotọ nútintlẹn tọn, núhẹngọ̀dotẹntọ alihò lọ tọn nado nọ̀ e mẹ. Ehe nasọ tindo kanṣisa hẹ ohóta núhẹngọ̀dotẹntọ tọn, to whenuena onú hóhó lẹ na mọ ṣiṣẹ yétọn lẹ. Ehe ko yín hinhẹn gblé lẹpo na yín didoai. Kẹdẹdilé ovi Islaẹli tọn lẹ lẹgọ̀ sọn mẹmẹglọ̀ Babilọni tọn mẹ do, bo sọ vọ́ Tẹmpli lọ doai na Oklunọ lọ nido dó gigo Ede tọn hia to mẹ, Mọkẹdẹ wẹ agùn Alẹ̀nù Yọ́yọ́ lọ tọn lọsu na sọgọ̀ sọn mẹmẹglọ̀ Babilọni tọn tọn mẹ do, bo nasọ vọ́ Tẹmpli lọ doai na Oklunọ, taidi fininọ̀ de hlan Oklunọ to gbigbọ mẹ, “na mí nido ná ovọ́ hlan Oklunọ lọ.”

“Hiẹ na zé odòdo whẹndo susu tọn doaga, yè nasọ nọ ylọ́ we dọ jladotọ nútintlẹn tọn, núhẹngọ̀dotẹntọ alihò lọ tọn nado nọ̀ e mẹ.” Ná Jiwheyẹwhe ni ná mí jọmiọn po alọgọ́ lẹpo po. Kẹdẹdilé Owé Wiwé dọ dó, “whlẹn mi Oklunọ E, yẹn nasọ yín whinwhlẹn.”Gigonọ Jiwheyẹwhe mítọn podọ whanpẹ Ohó Etọn tọn wẹ nugbo. Halleluyah! Whanpẹ Ohó ehe lọ tọn wẹ yíndọ nugbo wẹ, eyín mí sọgan yí i sè. Etẹ! Eyín Ohó towe ma sọ tin ba, etẹji wẹ yise ṣie na nọte do? Yẹn ma tindo hòmẹhùn do fọ̀dè aihọn tọn mẹ gba, Ohó towe kẹdẹ tọn wẹ yẹn jijlo na basi, enẹ lọ ko pe na mi. “lẹ̀ yé wé to nugbo towe mẹ. Ohó Towe wẹ nugbo.”

Mẹyinwanna lẹ emi, Bé Jiwheyẹwhe ko dọhó po gbèdidè de po hlan mí to egbè? Bé mí jlo na pọ́n hlan Owéfọ ehe lẹ, na mẹdopodopo nido nọ hòdẹ̀ dọ, “Oklunọ E, na mi domọnanu, hùnnukun ṣie, na yẹn nido mọdona núhe yẹn sọgan wà lẹ, dohia tèninọ lọ mi po ehe pò lẹpo po.” Hiẹ na sọ mọ dọ Jiwheyẹwhe na wà ẹ hlan yé ayiha wiwénọ lẹ. E na wá pé mí, podọ adusilọ whlengan Etọn tọn na yín zizé doaga, podọ adusilọ Oklunọ tọn ma na ná mí awhàngbigbà kẹdẹ gba, ṣigba e nasọ hẹn ẹn wá na mí ga. Podọ to vivọnu Jiwheyẹwhe na ṣiọn jẹgbakun na azọ́n mẹfligọ̀ lẹ tọn kẹdẹdilé e jẹ hẹ Ẹ do. Pipa po gigo po ni tin hlan Jiwheyẹwhe mítọn to azán ehe gbè ga. Niṣẹ.

Mì gbọ mí ni fọ́n bo hòdẹ̀. Mí gbọ mí ni hòdẹ̀ dopọ. Oklunọ dagbewanyinnanọ, mí wá nukọn towe, Oklunọ E. Mí dopẹ na We na ohó họakuẹ po ohó Wiwé towe po. Oklunọ wanyinnanọ E, mí ko mọ agọ̀jijẹ mítọn lẹ, ṣigba mí mọ We taidi Oklunọ nugbonọ, mẹhe dọ dọmọ, “eyín mì ma yise, mọ Yẹn na nọte di nugbonọ.”Whlẹngantọ wanyinnanọ, vivọnu onú lẹpo tọn ko sọawuhia to mí ji. “Owanyin omẹ susu tọn na lẹzùn mimiọn,”ṣigba Hiẹ tindo agùn de ehe yín gbigbà dó dòdó apọsteli po yẹwhegán lẹpo tọn ji, agùn he mẹ Hiẹ to tọ̀sisa de dètọ́njẹgbonu te, yèdọ osìn ogbẹ̀ tọn, agùn he taidi ojipa he yè húsìn na de, ehe to tintọ́n jẹgbonu sọn Hiẹ mẹ to nukọn wiwé towe.

Oklunọ dagbe wanyinnanọ, plọ́n mí lé mí sọgan hòdẹ̀ nado hẹn hòmẹ Towe hùn, plọ́n mí lé mí sọgan blanù nado hẹn hòmẹ Towe hùn, plọ́n ní to núlẹpo mẹ, Oklunọ nugbonọ e, nado nọ zinzọnlin dólé Hiẹ jlo na zinzọnlin hẹ mí. Oklunọ dagbe wanyinnanọ, sọn sisósisó ayiha ṣie tọn mẹ, yẹn gọ̀ gbẹzán ṣie dó alọ Towe mẹ, bo sọ jlo na dọ, yẹn ko wléawu nado zọn ali Towe ji.Oklunọ dagbe wanyinnanọ, hẹn mi yín tónúsètọ, bo hẹn núlẹpo wá titò mẹ kẹdẹdi núplọ́nmẹ Towe, podọ gbọn ojlo Towe dali huhlọn Towe nido sọgan yín didohia to omẹ Towe lẹ ṣẹnṣẹn. Na mẹhe tin to zẹ̀gẹ̀ depope glọ́ lẹ nido sọgan mọ túndote yí kavi núdepope he hùdo lọ sọgan yín.

Oklunọ dagbe wanyinnanọ, dinvie, to ojlẹ ehe mẹ, mí sọgbè hẹ ohó Towe bo sọ dọ, Oklunọ, hiẹ ko flí mi gọ̀, podọ Hiẹ ko sọ tún mi dóte, yẹn mọ yí gbọn yise dali. Satani e, tọ́nsọn godo na mẹhe yín Jiwheyẹwhe tọn lẹ. Oklunọ E, mí biọ we dopọ, bo yise to Jesu Klisti Oklunọ mítọn mẹ, Ovi Jiwheyẹwhe tọn tọn lọ, mẹhe jiyà bo sọ yín whiwhè do satin go, mẹhe yè di to oṣiọ lẹ mẹ, mẹhe yí lọnzòdomẹ bo dú dó núlẹpo ji, dó okú ji, dó Satani po lọnzòdòmẹ po ji, bo tité to azán etọn atọ̀ntọ gbe. 

Na awhàngbigbà Jiwheyẹwhe tọn ni yín didohia to omẹ Jiwheyẹwhe tọn lẹ ṣẹnṣẹn. Oklunọ È, hẹn mí biọ gbéyíyí pipé de mẹ hẹ We, podọ hẹ ohó Towe, bo sọ kọ̀n mí dopọ́ to owanyi Towe Wiwé mẹ. Na mẹde ni ma sọ dlẹnalọdó awetọ etọn ba blo. Oklunọ e, gbòwhẹna odẹ̀ mítọn, klánayiha mítọn lẹ zùn wiwé bo na mí ayiha Towe hunkọ. Hẹn mí yín jijọhodintọ lẹ, Oklunọ dagbe wanyinnanọ he tin to olọn mẹ, mí ko ṣinuwà bo gbọagba gigo Towe tọn, ṣigba mí tin tofi nado mọ yí sọn gigọ́ ojọmiọn Towe tọn mẹ hlan ojọmiọn, po jónawhlẹngan pipé po.

Oklunọ E, yẹn mọ yí to oyín Jesu Klisti, Ovi Jiwheyẹwhe tọn tọn mẹ, dọ ewọ mẹhe ovi lọ túndoté yín túntúndoté kakadoi. Halleluyah. Pipa po gigo po ni yín Towe. Na Gbigbọ Oklunọ Jiwheyẹwhe tọn tọn, mẹhe na huhlọn aihọn lọ blébu, tin to ofi nado hẹn ohó lọ ṣẹ̀ to ayiha yé mẹhe yí i sè lẹ tọn mẹ na e ni bo sọ yín ṣiṣẹ̀ wiwé de. Oklunọ mí pa we bo sọ dopẹ na We. Mí litai na We. Halleluyah. Pipa po yẹ̀yí po ni yín Towe kakadoi.