MATIU 18:21-22 ‘OKLUNỌ È, WHLA NẸMU WẸ YẸN SỌGAN JONA MẸMẸSUNNU ṢIE?’ 
MATTHEW 18:21-22: “LORD, how often must I forgive my brother?”

preached on 1984-08-05 15:00
broadcasted on 2024-08-25

 

Yẹwhehó he yín didọ gbọn Nọvisunnu Ewald Frank dali

Homẹfifa tẹwẹ to ayiha mítọn lẹ mẹ gbọn? Vivi mẹ, gbèdopo, mí na hòjẹ mínọzo tọ̀pa, afọnnu gigonọ de whenuena Jesu na sọawúhia. Whenuena hànjitọ lẹ po mẹfligọ̀ lẹpo na biọ finẹ bo jihàn yẹyi tọn hlan Oklunọ lọ, nawẹ e na yín? Mí na dogbè dopolọ to finẹ, Nọvisunnu Kufa ma nasọ túnmẹ ogbè ba, omẹ dopodopo na dogbè Kana tọn, nawẹ e na yín núhọakuẹ sọ? Enẹlọ na jọ dinzãnde, yèdọ, dinzãnde, podọ gbọn ojọmiọn dali yè hia mí do yé mẹhe yè ko ylọ jẹgbonu lẹ mẹ, yé mẹhe É do lẹblanu Etọn hia hlan lẹ, É do wanyin Etọn hia hlan mí na mí nido sọgan wá Ede, na Ewọ whẹ́whẹ́ wẹ ko yinwanna mí wutu.

Míwlẹ lọsu dóna yinwanna Ẹn po ayiha mítọn lẹpo po, yẹn jlo dọ wanyin Jiwheyẹwhe tọn he lọ ni yín núvivẹ titegbe de to mí mẹ pannukọn Ẹn, kẹdẹdilé Ewlọsu tọn te hlan mí dó. E dóna yín Owanyin dopolọ, mì lẹnpọ́n, dọ, eyín Owanyin Jiwheyẹwhe tọn sọgan tin di onú vivẹ de to mí mẹ, kẹdẹdilé ete to Ewọ mẹ dó hlan mí dali dó, nawẹ e na te to ayiha mítọn lẹpo gbẹ̀zán mítọn lẹ mẹ pó dó? Na Oklunọ dọ to owé JOHANU 13: 35 tọn mẹ, dọmọ,“Gbọn ehe dali wẹ gbẹtọ lẹpo na yọ́nẹn dọ núplọ́ntọ ṣie wẹ mì, eyín mìwlẹ tindo owanyin hlan mìnọzo.” Owanyin Nugbo wiwé he lọ húgán onú aihọn mẹ tọn lẹpo,  yẹn dójlo Etọn, na Owé Wiwé dọ, dọmọ, “Owanyin Jiwheyẹwhe tọn ko yín kinkọ̀ndai to ayiha mítọn lẹ mẹ gbọn Gbigbọ Wiwé dali.” Omẹ susu wẹ to didọ, dọ, yé ko mọ Gbigbọ Wiwé lọ yí, ṣigba eyín Owanyin Nugbo tọn lọ ma to nukọnyì to huhlọn mẹ, podọ yín e yín wuwlúdopọ́, whenẹnu eyín yé tlẹ dogbè hóhó po yọ́yọ́ po e nọ lẹzùn ajogán ogbègángánnọ, ehe ma sọgan hẹn onú pinpẹn depope gba. Mì omẹ pó wẹ mọdona enẹ lọ.

Eyín núde to awhádó dólé, bé whenẹnu agbá tata de wẹ. “Ozẹ́n lẹ kẹdẹ wẹ mẹplọ́ntọ wiwé lọ na gọ́ po huhlọn Gbigbọ tọn po.” Kẹdẹdilé ohàn lọ to nukọnyì dó, yẹn yise dọ mì omẹpó tin to vivòmẹ dọ, yè ko dokuavọ na mì to ofi, na mí ma tin taidi gbẹtọ nẹlẹ he nọ zán akuẹ susu na sinsẹ̀nzọ̀n agùn tọn, na yè zé mí do otẹn yẹyinọ daho lẹ mẹ po gbèdidè de po wutu gba, ṣigba mí yín homẹhunnọ to whelẹponu na mí mọ mì omẹpó tofi whládopo dogọ́, kẹdẹdilé Nọvisunnu Branham ko dọ dó, dọmọ, e dóna yín to ninọ̀mẹ dagbè de podọ onú lẹpo dóna tin to kànṣiṣá de mẹ, núplọ́nmẹ lọ, po zinzán lọ po, yèdọ onú lẹpo he yín agùn lọ tọn po Ahọludu Jiwheyẹwhe tọn po, na mí nido sọgbè hẹ mínozo lẹ podọ hẹ Ohó Jiwheyẹwhe tọn lọ, bo nasọ tin to kọ̀ndopọ́ wiwé mẹ.

Mí ko dọ ẹ hlan omẹ winyanwinyan he ko sọawúhia to ofi to osọ he wáyì, dọ, linsinsinyẹn mítọn wẹ nado lẹzùn agùn Biblu mẹ tọn kẹdẹdilé e nọ̀ to agùn tintan lọ mẹ dó. Podọ mí ko sọ yín nugbonọ nado dọ, dọ mí ma wá finẹ lọ gba, dọ, mí gbẹ́sọ tin to aliho mítọn lẹ ji, podọ to aliho mítọn nẹlẹ ji, mí ma jlo nado nọte gũn to Gbigbọ mẹ gba, ṣigba nado dèdo nukọn po alọgọ́ Jiwheyẹwhe tọn po kaka jẹ whenuena mí na mọ ṣiṣẹ̀ pagbè godogodo tọn lọ tọn. Na núdepope matin to núhe Oklunọ ko dopagbè etọn na mí lẹ mẹ bo ma na nọ ma ṣẹ̀ gba.

Dinvie, mí ko hia bo ko sọ dótó Owé PSALM 37:1-37 tọn, podọ to finẹ, ohógó vivẹ susu delẹ tin to e mẹ, mì sọgan ylọ yé dọ mọ po kandeji de po, bọ e nasọ dabla do mì to oyọ́nẹn Jiwheyẹwhe tọn mẹ, podọ to lẹ́do lẹpo mẹ, podọ to núhe kàn oyọ́nẹn po mẹgopinpọ́n Jiwheyẹwhe tọn he nọ zé jlọjẹ dopodopo do linlẹn mẹ po. To enẹgodo, fie wẹ ohókànbiọ Biblu mẹ tọn he ma sọgan mọ gblọndo de yí sọn Biblu mẹ te? Na Jiwheyẹwhe ko dè aliho na onú popo. É ko sọ tindo linlẹn onú popo tọn. Enẹwutu, e to dandan mẹ na míwlẹ lọsu nido zé ohó helẹ do ayiha mẹ.

Dotudo Oklunọ go, bo sọ nọ wà dagbe.

Ohógbè tẹwẹ ehe!

Ninọ̀mẹ lọ po pagbè lọ po yín kinkọ̀ndopọ́.

Hẹn homẹ towe hùn susu to Oklunọ mẹ; Ewọ nasọ yí ovẹ̀ ayiha towe mẹ na we. Jó ali towe do alọ Oklunọ tọn mẹ, Dotudo É go ga; Ewọ nasọ basi i.

To whedelẹnu, mí ma sọ nọ mọdona lé mí na dèdo nukọn dó to ali mítọn lẹ ji. Podọ to ajiji, ohó homẹfa tọn de na sọawúhia. Enẹwutu, jó ali towe do alọ Oklunọ tọn mẹ. Dotudo É go ga; Ewọ nasọ basi i. Do ayi e go, mí sọgan yise sọn sisósisó ayiha mítọn tọn mẹ bo sọ yí i na mídelẹ.

Gbọjẹ to Oklunọ mẹ, bo sọ nọtepọ́n Ẹn to sọwhiwhe mẹ. A gblehomẹ dewe go blo..

… po núhe pò lẹpo po.

Mí ko hia ẹ dopọ́. Yẹn jlo nado hia owéfọ awe, ṣigba yẹn jlo nado hia devo de jẹnukọnna awelẹ. Enẹ lọ wẹ yín sọn Owé KOLOSINU 1:24-26 tọn mẹ.

Yẹn mẹhe to ayajẹ dinvie na oya ṣie na mìtọn wutu, bo sọ hẹn nukunbia Klisti tọn he pò to godo to agbasalan ṣie go, na agbasa etọn he yín agùn; ehetọn yè yí mi do basi devizọ́nwàtọ kẹdẹdi mánamẹ Jiwheyẹwhe tọn he yè yí na mi tọn wutu, nado hẹn ohó Jiwheyẹwhe tọn di.

Mì gbọ na mí ni nọte to ofi na ojlẹ de. Dinvie, Paul yọ́nẹn dọ yè ko zé é do devizọ́n Jiwheyẹwhe tọn mẹ to agùn lọ mẹ, nado kẹalọyí devizọ́n de, yèdọ azọ́n de sọn Jiwheyẹwhe de, ṣigba bo ma yín ayiha mẹ tọn, adavo gbonu tọn. Podọ ehe wẹ tùnmẹ ohó lẹ lọ tọn, dọ, “Nado hẹn Ohó Jiwheyẹwhe tọn ṣẹ̀.”Jiwheyẹwhe nọ wànú lẹpo kẹdẹdi Ohó Etọn, na Ewọ ko dọ onú lẹpo gbọn Húhlọn Daho Etọn tọn dali. Ewọ ko ná gbèdidè onú lẹpo tọn gbọn Ohó Etọn dali, É dọ Ẹ bọ e sọ yín mọ. Podọ onú lẹpo he Ewọ ko dọ sọn onù Etọn mẹ nọte kakadoi. Mọwẹ Ewọ wẹ Oklunọ lọ Mẹhe ko yín Ohó lọ bo sọ diọzùn Agbasalan. Dinvie, míwlẹ wẹ agbasalan Oklunọ tọn yèdọ Agùn lọ, enẹwutu Ohó Jiwheyẹwhe tọn dóna pégo nado ná mí ninọ̀mẹ dagbe de, na opagbè lẹpo dóna mọ ṣiṣẹ̀ yetọn. Kẹdẹdilé yè ko dọ Ẹ do to ofi dọmọ:

“He tọn yè yí mi do basi devizọ́nwàtọ kẹdẹdi mánamẹ Jiwheyẹwhe tọn he yè yí na mì wutu, nado hẹn ohó Jiwheyẹwhe tọn di.” Yẹn ma yọ́nẹn gba, eyín mí sọgan wlé e hẹn bo sọ má ẹ to asiko he mẹ, ṣigba e taidi dọ, onú lẹpo yèdọ po agùn po ga ko yín zizédóai do Ohó lọ ji kakajẹ hinhẹnṣẹ̀ bẹyílọnmẹ tọn whenu. Mí yinwanna nado hodó ehe to afọ́nnu he po ohó pahonamẹ tọn pẹvide po hlan mí sọn owé MATIU 18:21- tọn mẹ. Tofi yè to pahona mí sọn onù Oklunọ tọn mẹ, dogbọn onú he mí dóna wà podọ lé mí na nọ zinzọnlin dó dali. 

MATIU 18:21-35 “Whenẹnu wẹ Pita wá, bo dọ hlan ẹn dọmọ, Oklunọ whla nẹmu wẹ mẹmẹsunnu ṣie na wàylan do ogo e, bọ yẹn jona ẹn ? Kaka jẹ whla ṣinawe ? Jesu sọ dọ hlan ẹn, dọmọ, Yẹn ma dọ hlan we, dọ, kaka jẹ whla ṣinawe gba: adavo kaka jẹ whla kandegbàn donu ṣinawe. Enẹwutu wẹ ahọludu olọn tọn do yín jijlẹ do ahọlu de go he jlo na yí linlẹn to afanumẹ etọn lẹ si. Whenuena é ṣẹ̀ nado to linlẹn, yè hẹn mẹde wá e de,ehe dù talẹnti *degvbaweafõhọ́ do e. Ṣigba sọ lé é ma tindo onú de nado suahọ, oklunọ etọn degbè nado yín sisa, asi etọn, ovi etọn, po onú he é tindo lẹpo po, na ahọ́susu nado yín bibasi. Enẹwutu afanumẹ lọ jẹklo, bo litaina ẹn, dọmọ, Oklunọ fahomẹ to dẽ, yẹn nasọ suahọ lẹpo we. Podọ oklunọ afanumẹ nẹ tọn yè yí lẹblanu do whàn ẹn, tún in dai, bo so jo akuẹyínyán lọ nệ. Ṣigba afanumẹ nẹ tọ́njẹgbonu yì bo sọ mọ dopo to devi ohatọ etọn lẹ mẹ, he dù abọgankuẹ + kanweko họ́ do e, é hẹn e go, bo sọ finyọn ovẹ nệ, dọmọ, suahọ he hiẹ dù do mi. Devi ohatọ etọn sọ jẹklo to afọ etọn go, bo sọ vẹvẹ nệ, dọmọ, fahomẹ to dẽ, yẹn na suahọ lẹpo we, e ma sọ jlo, ṣigba e yí bo zé e do ogànhọmẹ, kaka é na su enẹ he yín dùdù. Mọwẹ whenuena devi ohatọ etọn lẹ mọ enẹ he yè wà, yé yín awublanọ susu, yé sọ wá bo dọ onú he é wà lẹpo hlan oklunọ yetọn.” 

Whenẹnu wẹ oklunọ etọn whenuena é ylọ ẹ, é dọ hlan ẹn dọ, hiẹ afanumẹ ylankan, yẹn jo ahọ́ nẹlẹ pó na we, na hiẹ vẹvẹ na mi wutu, “Bé hiẹ ma do sọ tindo lẹblanu to devi ohatọ towe ji yèdọ dilé yẹn tindo lẹblanu to hiẹ ji do ? Oklunọ etọn sọ yín homẹgblenọ, bo jo e hlan yasahẹmẹtọ lẹ, kaka é nado sú ehe yín dùdù lẹpo. Mọkẹdẹ ga wẹ Otọ́ ṣie olọn mẹ tọn na wà hlan mì do, eyín dopodopo mìtọn sọn ayiha mìtọn mẹ ma jona mẹmẹsunnu etọn lẹ.” Ehe ma yín olo de poun gba, ohó vivẹ he dobu talala de wẹ. Podọ mí ko sọ mọdona dọndopọ owanyi nugbo lọ po jona ylando nugbo lọ tọn po yín, po jona ylando pipe de po nado gbọ omẹ lọ ni yì vọnu. Ṣigba mí dóna doakọnna mínọzo lẹ, na nọvisunnu mítọn nido sọgan yì vọnu yín é ko ṣi núdewà jẹagọdo mí, kẹdẹdilé míwlẹ lọsu sọgan yì vọnu do to whenuena mí ko wàylan to Jiwheyẹwhe nukọn.

Tofi Whlẹngántọ mítọn tahinhọ́n do ehe ji dọ, “Whenẹnu wẹ oklunọ etọn whenuena é ylọ ẹ, é dọ hlan ẹn dọ, hiẹ afanumẹ ylankan, yẹn jo ahọ́ nẹlẹ pó na we, na hiẹ vẹvẹ na mi wutu” Mí wá Oklunọ de bo biọ Ẹ jona ylando, bọ sọ mọyí po homẹhùnhùn po, podọ to enẹ godo etẹ wẹ nọ wá jọ? Whenẹnu mí nọ hẹn ylando mẹhe jẹagọdo mí lẹ tọn go, whenẹnu wẹ mí nọ hẹn ovẹ na omẹ lọ, ehe wẹ onú he Ewọ to didọ tofi, yẹn sọ vọ hia whladopo dogọ, na mì nido yọ́nẹn dọ mọwẹ yè ko wlán ẹn do tofi. MATIU 18:28 “Ṣigba afanumẹ nẹ tọ́njẹgbonu yì bo sọ mọ dopo to devi ohatọ etọn lẹ mẹ, he dù abọgankuẹ + kanweko họ́ do e, é hẹn e go, bo sọ finyọn ovẹ nệ, dọmọ, suahọ he hiẹ dù do mi.” Mí dóna mọdona dọ omẹ lọ ma mọdona Owanyi Jiwheyẹwhe tọn po sùsúsẹ ahọ́ tọn po jona ylando tọn po gba.

Ewọ ma ko sọ flin dọ yè ko basi ojọmiọn na ẹn gba, enẹwutu wẹ é ko do hù wàlọ he é hù hẹ nọvisunnu etọn. Nugbo mẹde ma sọgan dọ ohó de do omẹ awetọ go, ṣogan to whedelẹnu e nọ jọ, podọ yẹn sọ lẹn dọ oplọ́n daho de tin to ehe mẹ. Yẹn dọ, e sọgan wájọ bọ omẹde na tindo núde do awetọ etọn go, ṣigba e ma dóna yín mọ gba, kẹdẹdilé Jiwheyẹwhe ma hia núde do kọna mí to Klisti mẹ do, ṣigba bo jo núṣiwà lẹpo nugbonugbo na mí, na ahọ́ omẹde tọn yín pẹvi bo sọ yín zizé jlẹdó omẹ devo lẹ tọn go, odelẹ yín tanẹti fọtọ́n donu ao mimámẹ, podọ e di e, etẹwẹ e ko yín? yèdọ akuẹ kanweko, mì dóna lẹn enẹlọ pọn, ehe yè súnsúnsẹ bo sọ jona omẹ de ? Sọlé e jẹ dọ omẹ lọ ni yín homẹhunnọ bo sọ to zinzlọn, é wá jẹ ovẹ ji na awetọ etọn bo dọmọ, “dótó, dinvie wẹ ojlẹ towe.” Sọlé e jẹ dọ ewọ ni yín ayajẹnọ dọ yè ko jona ylando etọn bo ko sọ súnssúnsẹ.

Yẹn ma yọ́nẹn dọ, bé mì sọgan mọdona dọ Oklunọ to Ohó dọ hlan gbẹtọ lẹ, kavi mì yise dọ Ewọ to Ohó dọ hlan mìwlẹ po yẹn po to egbé gbọn Ohó Etọn dali ? Kẹdẹdilé Ewọ dọhó hlan nuplọ́ntọ Etọn lẹ po agùn daho lẹ po do to whenẹnu, Ewọ sọ to Ohó dọ hlan mí to egbé ga. Eyín mí wá jẹ dotẹn he mẹ Ohó Jiwheyẹwhe tọn ma tindo núde nado wà hlan mí, bọ mí ko dasa Ẹ wáyì, mẹyiwanna emi, to whenẹnu ninọ̀mẹ ganhiho lọ tọn ko yìaga húgan. Na asiko lọ ko wá, to whenuena Ohó Jiwheyẹwhe tọn lẹ dopodopo to ohódọ hlan mí podọ onú he mí hia lẹpo to Biblu mẹ dóna yín onú titegbe de hlan mí. To alọ he mẹ, mí dóna din tẹnmẹ nado nọ̀ po Jiwheyẹwhe po, podọ lé Jiwheyẹwhe to wiwà hẹ mí do, podọ lé míwlẹ lọsu to wiwà po kọmẹnu mítọn lẹpo, podọ lé kọmẹnu lẹ to wiwà hẹ míwlẹ lọsu do.

Mì gbọ na mí ni plọ́n núde sọn otàn he Oklunọ mítọn ko jo dai na mí tofi mẹ, dọmọ, “Yẹn ma dọ hlan we, dọ, kaka jẹ whla ṣinawe gba: adavo kaka jẹ whla kandegbàn donu ṣinawe” Esinyẹn titegbè, mẹnu wẹ pégó nado basi? Adavo mẹhe yè ma hia oylan do okọna, na é ma hia núde dokọna họ́ntọn etọn po nọvisunnu etọn po po devi etọn po, na ehe wẹ jona ylando nugbo lọ he ma nọ hia núde dokọna nọvisunnu etọn de, bo ma sọ nọ lẹn núde do ahọ́ etọn ji, ṣigba bo nọ dasa jona ylando he Jiwheyẹwhe ko basi hlan mí, bo nasọ to wiwà ẹ to gbẹ̀zán mítọn lẹpo mẹ. Na ehe to didóhia dọ mí ma zé e do ayiha mẹ poun gba, yèdọ ehe yè wlán to owé awetọ PITA tọn ota tintan tọn mẹ, ṣigba dọ mí to bibiọ to Jiwheyẹwhe de dọ Ewọ ni basi to mí mẹ nugbo lọ.

2 PITA 1: 3- “Mimọ dọ yẹwhe huhlọn etọn ko na mí onú popo he yín ogbẹ̀ po jijọ-di-Jiwheyẹwhe po tọn, gbọn oyọ́nẹn ewọ he ylọ mí hlan gigo po jijọdagbe po mẹ. Gbọn ehetọn mẹ yè yí opagbe daho talala akuẹgegenu na mí: na gbọn ehelẹ dali mì nido yín máhẹtọ jọwamọ yẹwhe, le mí to tutlu sọn gbigble he tin to aihọn mẹ mẹ gbọn gbọn wantúntún dali.” Wéfọ he yín nuvivẹ patakli de, “Nado yín whinwhlẹngan sọn ehe na dọ́n mí biọ gbigble mẹ, na mí nido yín máhẹtọ jọwamọ yẹwhe,” Mí ma sọgan din owhẹjijọ depope dogbọn ehe lọ dali gba, ehe yín onú he mí dóna tindo dọpọ́n etọn bo sọ kẹalọyí I. 

Etẹwutu dawe lọ do wlánwé to Owé OWALỌ tọn mẹ, dọ, “Ovi Jiwheyẹwhe tọn wẹ míwlẹ”? Paul lọsu sọ dọ ẹ ga. Enẹwutu, eyín yè ji mí sọn Jiwheyẹwhe de, bé mí do ko zán zinzán Otọ́ mítọn Olọn mẹ tọn. Na e sinyẹnawu talala na ovi aigba ji tọn lẹ nado taidi omẹ devo lẹ, kẹdẹdilé ohógbè lẹ nọ dọ dó. Enẹwutu, to Gbigbọ mẹ, ovi Jiwheyẹwhe tọn lẹ nọ taidi Otọ́ yetọn. Podọ Olọn mẹ wẹ Otọ́ mítọn te. Na mí jlo dọ okún Ohó lọ tọn ni jẹ̀do mí ji, podọ na enẹwutu Gbigbọ Jiwheyẹwhe tọn ni hẹn okún wiwé he lọ nọ̀gbẹ̀ to mí mẹ, na míwlẹ lọsu nido “yín mahẹtọ to jọwamọ wiwé lọ mẹ” ga. Eyín e ma yín mọ, gbẹ̀zán mítọn lẹpo sọgan gọ́ na linlẹn dagbe lẹ, podọ opòdo linlẹn dagbe mítọn lẹ tọn na yín ylankan. Enẹwutu, mí dóna tindo dọpọ́n mítọn yèdọ ehe mí ma dóna gbọagba etọn gba, bo sọ yì sisósisó sọgbè Jiwheyẹwhe, nado lẹzùn mahẹtọ jọwamọ wiwé lọ tọn.

E sọ to nukọnyì dólé, dọmọ:“Mọwẹ podọ na ehetọn ga, lé mì nọ dovivẹnu to onú popo mẹ, mì yí jijọdagbe dogọ́ yise mìtọn.” Whenẹnu po mọ po, mì ma tlẹ sọgan gbọjẹ bo sọ dọmọ: “E na yọ́n.” Lala, na mí tindo ojlo sisósisó de to mí homẹ, dọ, mí ma lẹzùn mahẹtọ jọwamọ wiwé lọ tọn kẹdẹ gba, ṣigba dọ, onú dagbe he yè hùndohia to gbẹ̀zán Jesu tọn mẹ lẹpo sọgan yín hùnhùndohia to gbẹ̀zán míwlẹ lọsu tọn mẹ ga.“Mọwẹ podọ na ehetọn ga, lé mì nọ dovivẹnu to onú popo mẹ, mì yí jijọdagbe dogọ́ yise mìtọn; bo yí oyọ́nẹn dogọ́ jijọdagbe; owùnza dogọ́ oyọ́nẹn; homẹfa dogọ́ owùnza; jijọ-di-Jiwheyẹwhe tọn dogọ́ homẹfa; owanyin na mẹmẹsunnu dogọ́ jijọ-di-Jiwheyẹwhe tọn; podọ owanyin dogọ́ owanyin na mẹmẹsunnu.”

Ehe wẹ núyiwà titegbe lọ, yèdọ dilé yè ko do e hia mí to ofi dó. Onú dagbe he yín Gbigbọ tọn po gbẹ̀zán wiwé he tin to yisenọ dopodopo mẹ po, dóna yín didohia. Enẹwutu, onú tintan he jẹnukọn lọ wẹ yise, na matin yise afọdè yì nukọn ma sọgan tin gba. Ṣigba yise ma sọgan nọte gũn gba. Enẹwutu, mí dóna yọ́nẹn dọ whinwhẹ́n gbigbọ mẹ tọn tin gbọn jọmiọn Jiwheyẹwhe tọn dali, podọ na omẹ depope ma nado sọgan nọte to dọpọ́n dopo gẽ ji gba, ṣigba na mì nido dèdo nukọn.

Na yè dọ to ofi dọmọ: “Mọwẹ podọ na ehetọn ga, lé mì nọ dovivẹnu to onú popo mẹ, mì yí jijọdagbe dogọ́ yise mìtọn.” Podọ e sọ to nukọnyì dẽji. Etẹwẹ jijọdagbe? To bibẹ́nu, ehelẹ wẹ onú dagbe wiwé lẹ po jijọdagbe lẹpo po. To ofi, “To jijọdagbe mẹ, to oyọ́nẹn mẹ.”Dinvie, etẹwẹ zinzán oyọ́nẹn tọn eyín ewọ matin to jijọdagbe wiwé mẹ? Mì dayi afufu go to whenuena ewọ to vinvlọn, podọ to vivọnu etọn, eyín mì sọ dojẹhọn pẹde do e mẹ dogọ́, ewọ na wú. Lala, adavo na onú popo dóna yín wiwé to gbèsisọ mẹ.

Podọ jijọdagbe dogọ́ yise; podọ oyọ́nẹn dogọ́ jijọdagbe; podọ owùnza dogọ́ oyọ́nẹn.”Ehe sọ yín owéfọ de ga, owùnza ma yín omẹ lẹpo tọn gba, ṣigba gbọn ojọmiọn Jiwheyẹwhe  tọn po alọgọ Etọn po dali wẹ , ehe sọgan yín bibasi. Mí ma dóhúdo nado wá po e po gba, ṣigba e yín niná mí sọn Jiwheyẹwhe de. Mì bo lẹnpọn dọ, eyín mí ko hẹn onú nẹlẹpó wá Jiwheyẹwhe de, etẹwẹ Ewọ sọgan ná mí to whenẹnu? Yẹn ma mọ núde hẹn wá, “Hiẹ wẹ onúlépó hlan mi Oklunọ È,” Kẹdẹdilé ohàn lọ dọ do.

Mí wá po onú he Ewọ ma dóhúdo etọn lẹpo, Ewọ yí yé bo zé yé dlandó odò ohù núwinwọn tọn mẹ, ṣigba to enẹgodo Ewọ sọ ná mí onúlẹpó he na nọte to aigba lọ ji to nukọn Etọn.“Mọwẹ podọ na ehetọn ga, lé mì nọ dovivẹnu to onú popo mẹ, mì yí jijọdagbe dogọ́ yise mìtọn; bo yí oyọ́nẹn dogọ́ jijọdagbe; owùnza dogọ́ oyọ́nẹn; homẹfa dogọ́ owùnza; jijọ-di-Jiwheyẹwhe tọn dogọ́ homẹfa; owanyin na mẹmẹsunnu dogọ́ jijọ-di-Jiwheyẹwhe tọn; podọ owanyin dogọ́ owanyin na mẹmẹsunnu.”Ode yín didoai pannukọn awetọ, ehe lẹpo tin to kọ̀ndopọ́ mẹ, whenẹnu e ma sọ tin to húhlọn mí tọn mẹ, ṣigba owanyi nọ dó ede hia podọ Owanyi Jiwheyẹwhe tọn ko dá onú he mí dohúdó etọn hlan dopodopo mítọn lẹ,

“Podọ owanyin dogọ́ owanyin na mẹmẹsunnu.”Ṣigba dinvie, afọ he bọdo e go lọ to húhlọn dó mí:

Na eyín onú helẹ yín mìtọn bo sù, yè ma na hẹn mì zùn adidọnọ kavi madosinsẹ̀nnọ hlan oyọ́nẹn Jesu Klisti Oklunọ mítọn tọn gba. Ṣigba ewọ he ma tindo onú helẹ, yín nukuntọ́nnọ, é ma sọgan mọnú to aganu, é sọ wọ̀n dọ yè ko lẹ̀ ẹ wé sọn ylando etọn hóhó lẹ mẹ. Enẹwutu mẹmẹsunnu emi, mì kúkú gbọ bo nọ dovivẹnu do hẹn oylọ po didè mìtọn po diun: na eyín mìwlẹ to onú helẹ wà, mì ma na jai gbède. Na le wẹ yè na deali hlan mì susu biọ ahọludu madopodo Jesu Klisti Oklunọ Whlẹngantọ mítọn tọn mẹ do.”

Mí ko mọ ninọ̀mẹ lọ. Yẹn tindo ojló po obiọ dopo de po, dọ Oklunọ lọ na hẹn wá ṣisẹmẹ to ayiha mítọn lẹpo mẹ bo sọ diọ ẹ zùn odẹ̀go de hlan mí, na mí nido sọgan dọ̀nsẹpọ́ ẹ bo nado dọ, “Oklunọ mí jlo na nọ le Hiẹ ko dọ dó tofi, ṣigba mí ma ko jẹ filọ gba, mọ mí ma sọgan wà ẹ ná mídelẹ gba, kavi pégo nado tindo jijọdagbe he lẹ gba. Enẹwutu Oklunọ e, basi núde hlan pipa ojọmiọn họakuẹ Towe tọn tọn. Na Ohó Towe, po Gbigbọ Towe po, po ohùn Towe po ni wà azọ́n huhlọnnọ to yẹn mẹ, podọ to mí mẹ, na onú yọ́yọ́ de, yèdọ onú huhlọnnọ de nido sọgan tọ́nkún jẹgbonu.”

E ma yín oyọ́nẹn onú he mí ko mọdona lẹ tọn gba, ṣigba devo he tin to emẹ lẹ tọn he yín apádè etọn. Na e tin taidi gẹdẹ̀ de, ehe tindo huhlọn to ede denu to whenuena e tin to kànṣiṣa mẹ hẹ ehepò lẹ. Ṣigba donanọ wẹ agùn lọ, podọ donanọ wẹ mẹdopodopo, na kanṣiṣa he tin to huhlọn gẹdẹ̀ he lọ tọn mẹ nido na mí huhlọn nado sọgan nù whlèpọ́n depope tọ́n. Mì omẹ po wẹ mọdona lé e tin te to agbasa mẹ podọ to gbigbọ mẹ. Whlèpọ́n nọ́ wá, kẹdẹdilé mí ko dọ do, yé omẹ he ma ko mọ whlèpọ́n lẹ, ni yọ́nẹn dọ yétọn lẹ ja. 

Mẹde lẹ tin he owhè nọ vẹ́ hlan sọn whèjai jẹ afọnnu, kavi sọn afọnnu jẹ whèjai, to fidepope he sọgan yín. Ṣigba oklọ́ wẹ pòpó lẹpo. E to dàndànmẹ dọ mẹdopodopo dóna mọ whlèpọ́n. Mọ e to dàndànmẹ dọ mẹdopodopo nasọ yín lilẹwé. Amá whànpẹnọ he mí yọ́nẹn lẹ nọ tindo owùn to agbasa yetọn lẹ go. Enẹwutu mí dóna payi, na yé tindo owán dagbe-dagbe lẹ, ṣigba owùn yetọn lẹ yọ́nwhànpẹ. Mì gbọ mí ni wléawu dai nẹ. Yé mẹhe ma ko gbọ́n whlèpọ́n mẹ lẹ ja ná gbọ́n yetọn lẹ mẹ, odè sọgan gbọ́n fi devo na sọ gbọ́n dọ́n. Na yé mẹhe ma ko tindo whiwhẹ̀ lẹ na gbẹ tindo whiwhẹ̀. Onú he Jiwheyẹwhe wléawu etọn ná mí lẹ na wá ṣiṣẹmẹ janwẹ. Núde ma nọ jọ poun gba, adavo gbọn núde dali wẹ núde do nọ jọ. 

To whlèpọ́n whenu omẹ Jiwheyẹwhe tọn dopodopo ko yín whiwhlépọn, bo yín tenọtọ jẹ opòdo. Mì gbọ mí ni flín yé méhe gbọn kinnikinnidomẹ lẹ kavi mẹhe gbọn miyọn mẹ lẹ, dopodopo yetọn lẹpo, yédọ omẹ Jiwheyẹwhe tọn lẹ. Etẹ hunkọ wẹ whlépọn yétọn lẹ yín. Mí mọdona dọ, ye dọ,dọmọ, “Ṣigba eyín lala, ahọlu E, e ni yín yinyọ́nẹn hlan we, míwlẹ ma na sẹ̀n yẹwhe towe lẹ gba, mọ litaina oboṣiọ sika tọn lẹ he hiẹ ko zé daga gba.” Eyín mimọ hézéhézé dọ dawe he lọ gọ́ na homẹwlu talala. Ozohọ̀ lọ hùnmiyọn whla ṣinawe húgán le yè jlo nado hẹn ẹn hùnmiyọn do, ṣigba Jiwheyẹwhe dopolọ sọ wẹ Jiwheyẹwhe he do huhlọn to miyọn ji. Podọ ozohùnhùn miyọn lọ tọn he yín tukla he mẹ mí ná gbọn dali wẹ mí na yín mẹhe yè hẹn zùn wiwé, ná mí nido tọ́njẹgbonu di wiwé.

Mí omẹpó mọdona dọ eyín yè hẹn sika gbọn miyọn mẹ, diho etọn lẹpo wẹ nọ yín kinklọn dai, adavo ehe tindo yẹ̀yí, bo na yín zinzán kẹdẹ wẹ na pò to ote. “Yise mìtọn he yọ́nwhanpẹ hú sika he nọ súdo, eyín é bo sọ yín miyọn wẹ yè tlẹ yí do to whiwhle e pọ́n, na yè nido mọ ẹn to pipa mẹ.” E sọ dọ to fi dọmọ, “Yẹn dewe hẹ we nado họ̀ sọn dê sika he yè whlépọ́n to miyọn mẹ.” Podọ sika Jiwheyẹwhe tọn nugbonugbo yín “He yè kọ̀n whla ṣinawe.” Enẹwutu mì gbọ mí ni hẹn ohó helẹ do ayiha mẹ. Tintan, dọ, wányinna Jiwheyẹwhe tọn yín didohia mí to jóna ylando pipé mẹ, yèdọ alọdote blebú na owhẹ̀domẹ lẹpo.“yíyíalọdowlan osẹ́ndai tọn sẹ̀ he tin to okẹn hẹ mí.” Mẹdepope he mọ jóna yí lẹpo wẹ nọ jónamẹ. Yẹn na sọ lẹn owéfọ he lọ pọ́n, ehe taidi owhẹ̀didá de. Yèdọ afọ etọn 35 mí ko hia ẹ wáyì, ṣigba dọ e ma nado dúdúkọnai sọn ayiha mítọn mẹ podọ na oflin de. Yẹn nasọ vọ ẹ hia whladopo dogọ “Mọkẹdẹ ga wẹ Otọ́ ṣie olọn mẹ tọn na wà hlan mì do, eyín dopodopo mìtọn sọn ayiha mìtọn mẹ ma jona mẹmẹsunnu etọn lẹ.”

Podọ ewọ he jonamẹ sọn ayiha etọn mẹ na to nukọnyì to owanyi mẹ to ayiha mẹ, podọ yé he sọgan to nukọnyì to wanyi mẹ sọn ayiha yétọn mẹ lẹ, wẹ sọ pégo nado to nukọnyì to jijona ylando mẹ whla kandegbàn donu ṣinawe mẹ. Mìwlẹ yọ́nẹn lé e te po mí omẹ pó dó, to whedelẹnu omẹde nọ yín magbọjẹnọ na onú lẹ podọ asiko de mẹ jẹ asiko devo mẹ. Whedelẹnu e sọ nọ diọ, e ma yín dopolọ to whelẹpónu gba. Gãnṣo enẹ lọ ma yín homẹjladonamẹ gba, ṣigba míwlẹ yọ́nẹn dọ gbẹtọ wẹ mí yín, bọ mí gbẹ́sọ po to aigba ji, bo sọ nọ jlo onú he yín aigba ji tọn lẹ to whedelẹnu. Ṣigba mí dóna gbẹ́kọ sọn yé omẹ pó go. 

To yẹwhehó lọ mẹ to Osó ji to ofi, yè dọ to Owé MATIU 6: 12 tọn mẹ, dọmọ: “Bo jo ahọ́ mítọn lẹ na mí, dilé mí ko jona ahọ́tọnọ mítọn lẹ dó. A dọ̀n mí do whlepọ́n mẹ blo, ṣigba whlẹn mí sọn danunọ si. Na eyín mì jona gbẹtọ lẹ ylando yetọn lẹ, Otọ́ mìtọn olọn tọn nasọ jona mì ga: ṣigba eyín mì ma jona gbẹtọ lẹ, Otọ́ mìtọn ma na jona ylando mìtọn.”Enẹwutu, mí dóna yí núhe Ohó Jiwheyẹwhe dọ hlan mí lẹpo do ayiha mẹ nugbo, bo nasọ nọ dindona mídelẹ dogọ́, dọmọ, “Oklunọ È, bé mí ko yígbèna ehelẹ pó? Bé mí sọgan nọte to nukọn Towe dómọ? Bé mí ko lẹzùn máhẹtọ to jọwamọ wiwé lọ mẹ?” Kẹdẹdilé mì yọ́nẹn dó, dọ Oklunọ mítọn wá to agbasalan mẹ, bo zé agbasa mítọn do na míwlẹ nido biọ jọwamọ wiwé mẹ, podọ to enẹgodo na mí nido mọ agbasa gigo tọn he mẹ mí na tin po Oklunọ po kakadoi de yí gbọn fọ́nsọnkú mẹ. Na Jiwheyẹwhe ni ná mí enẹ lọ, na mí omẹ pó nido yí núhe Ohó Etọn dọ sè, podọ na Ewọ nido wà núhe wutu yè do do E hlan lọ!

Dinvie, mí nasọ hia Ohó he lọ whladopo dogọ́ sọn Owé KỌLỌSINU 1: 25 tọn mẹ, dọmọ: “Ehetọn yè yí mi do basi devizọ́nwàtọ kẹdẹdi mánamẹ Jiwheyẹwhe tọn he yè yí na mi tọn wutu, nado hẹn Ohó Jiwheyẹwhe tọn di.” Do ayi e go, Ohó Jiwheyẹwhe sọgbè. Na Jiwheyẹwhe ko hùn I dohia to ninọ̀mẹ he sọgbè de mẹ, yín e tlẹ yín dọ núdohia mẹ lẹ lọ nọ wá sọawúhia pẹde-pẹde jẹnukọn. Eyín mí dọ̀n yé omẹ pó kọ̀ndopọ́ to egbé, gbọn alọgọ́ Jiwheyẹwhe tọn dali, whenẹnu mí na mọ to nukọn mítọn dọ, awúsọhia Jiwheyẹwhe tọn pipé lọ tin to Jesu Klisti mẹ. Dinvie, mí ko mọ awúsọhia Ohó Etọn tọn po ojlo Etọn po to nukọn mítọn.

Podọ gbọn yise dali, mí ko mọ awúsọhia ovi Jiwheyẹwhe tọn lẹ tọn dote to nukọn mítọn, yèdọ ehetọn yè wlán do Owé LOMUNU 8 tọn mẹ, dọ, “núdidá lẹpo to winwẹn bo sọ to tenọpọ́n ovi Jiwheyẹwhe tọn lẹ nado sọawúhia.”Do ayi e go, mí ko yín ovi Jiwheyẹwhe tọn dote. Ṣigba ehe lọ dóna yín mimọ hézéhézé, bo sọ dóna yín hùnhùndohia. Podọ mì omẹ pó wẹ yọ́nẹn dọ, ohógó he yín “awúsọhia” tọn wẹ yín “osọhia”. Do a yi e go, yẹn ma tùnwun ogbè Glẹki tọn gba, ṣigba mì dibú blo. Mọwẹ yẹn ma sọ sọgan plọ́n ẹn gbèdé. Ṣigba tadèna ohógó nẹ lọ tọn wẹ, hùndohia, hùndonuvò, odohia, po osọhia po. To whedelẹnu, enẹ wẹ hùndohia, yèdọ ehe yín hùndonuvò.

Eyín Biblu yín núṣinyọndo po dùku po, bọ hiẹ sọgan pà núhe yè ma ko mọdona de, podọ whenuena osọhia sọawúhia, whenẹnu mẹdepope ma sọ dóhudo nado pà núhe yè ma ko mọdona de ba gba. Whenẹnu wẹ omẹ dopodopo na mọdona núhe wá hinhọ́n kọ̀n lọ. Enẹwutu, mẹyiwanna lẹ emi, Paul wlán to whenẹnu to whenuena ewọ yín dindọ̀n gbọn Gbigbọ mẹ, dọ, “núdidá lẹpo to tenọpọ́n” azán he mẹ ovi Jiwheyẹwhe tọn lẹ, yèdọ visunnu Jiwheyẹwhe tọn lẹ… Mì omẹ pó wẹ mọdona núhe é to didọ dogbọn enẹ lọ tọn dali. “Gbẹtọ pipé lọ na wá gọ́fla apájlẹ gbẹtọ he pégan tọn mẹ to gọ́fla Klisti tọn mẹ,” bo na tọ́nsọn yọpọyínyín mẹ, bo na tọ́nsọn núhe yín anọ́ninọ lẹpo mẹ, ṣigba bo na yín didiọ do apájlẹ Oklunọ tọn mẹ, yèdọ sọn hinhọ́n mẹ do hinhọ́n mẹ; podọ yè ko wlán ehe lọ dote to whenẹnu bo sọ to tenọpọ́n ẹn po ojlo po. Do ayi e go, mí sọgan nọ̀gbẹ̀ to asiko lọ mẹ, yèdọ ehe mẹ hùndohia te nugbonugbo.

Ṣigba mí tindo kandèji na onú dopo, kanwe-kò do kanwe-kò ji godogodo, dọ onú he na jọ lẹpo dóna jọ to whẹndo he lọ mẹ, ṣigba to kandèji de mẹ dọ, mẹdepope ma yọ́n lé whẹndo he lọ na dẹ̀n sọ. Dinvie, yẹn jlo nado dọ ehe lọ hézéhézé po wùntùntùn po, e ma yín dọ mẹde na tọ́nsọn ofi bo ṣẹ̀ kọntawà gba, bo sọ dọmọ: “Ojé, whẹndo he lọ ṣẹ̀ sọn owhè fọtọ́n-fẹnẹ̀ e lán kantọ̀n-kònukun-atọ̀ntọ (1946) mẹ kavi sọn owhè fọtọ́n-fẹnẹ̀ e lán kantọ̀n-kònukun-ẹnẹtọ (1948) mẹ, kavi sọn owhè fọtọ́n-fẹnẹ̀ e lán kantọ̀n-aotọ (1930) tọn mẹ kavi sọn fọtọ́n-fẹnẹ̀ e lán kantọ̀n-wiatọ̀ntọ (1933) mẹ. Yẹn ma yín homẹhunnọ to enẹlẹ depope mẹ gba. Ṣigba yẹn yín homẹhunnọ to onú dopo gẽ de mẹ, enẹ wẹ yín dọ, mí tin to whẹndo ehe mẹ dọdai Biblu tọn lẹpo na mọ ṣiṣẹ̀ yetọn lẹ yí te.

Podọ Oklunọ mítọn dọ, dọmọ: “Whenuena onú helẹ na ṣẹ̀ jijọ, mì ni pọ́n aga, bo sọ zé ota mìtọn do aga; na ofligọ̀ mìtọn to dindọ̀n sẹpọ́ wutu.” Enẹwutu, mí ma tindo núdepope nado wà po kọntawiwà lẹ po gba. Do ayi e go, yẹn yín dagbenọ dọ ehe lọ wẹ ohóta ṣie he ylánhu to wéhọ̀mẹ, podọ to whenẹnu gbẹtọ delẹ tin he lẹn dọ yẹn mọdona akọntawiwà. E ma ylan, ṣigba enẹ lọ tin na ayihúndida poun wẹ.

Jiwheyẹwhe mítọn yín dagbenọ pannukọn mí titegbe dọ mí sọgan dùdèji po vivẹnu po, dọ mí ni sã ko hẹn e go gligli! Podọ Ewọ ná mí kandèji dọ vivọnu Ohó he yín Asivu Gigonọ tọn he yè gọ́na Gbigbọ Jiwheyẹwhe tọn de na yín didiọ do apájlẹ Oklunọ mítọn tọn mẹ, yèdọ Ewọ he yè na plán nado yì pé Asisúnọ Etọn di Asivu whanpẹnọ de, kavi nado yín zizéyì aslọ lẹ mẹ to olọn mẹ. Yẹn ma mọdona eyín mí dóhudo mẹde tọn he na yì nukọn na mí bo nasọ plán mí tọn gba. Enẹwutu, Oklunọ mítọn he ko flí mí gọ̀, ko dọhó helẹ pó dọmọ: “Yẹn na dó agùn ṣie, huhlọn họ́ngbo Kùtomẹ tọn lẹpo ma na pé e go gba.” Ewọ sọ dọmọ: “Yẹn jei nado wléawu otẹn de tọn dai na mì, eyín Yẹn yì bo wléawu otẹn de tọn dai na mì; Yẹn na lẹ́gọ̀ bo hẹn mì yì dẽ de; na ofi he Yẹn te finẹ wẹ mì na nọ̀ ga.”

Enẹwutu, Ewọ nasọ lẹ́gọ̀wá. Ewọ na lẹ́gọ̀wá zãndevie po ohó he mí nado nọ jlahomẹdona mínọzo lẹpo po. Mì gbọ na mí yí whenu he pò lọ nado dọ̀nsẹpọ́ Oklunọ, na mí nido yín awuwlénọ, podọ whenuena Oklunọ na wá, mí ma nado yín hinhẹndote gbọn núdepope dali to aigba he ji, ṣigba bo klán sọn yé go, kẹdẹdilé ohànpàtọ de dọ dó, dọmọ: “Tún mi dote sọn aigba ji, bo hẹn yise ṣie whẹ́n, bo ná mi ayiha dódó tọn, bo zé mi pé Jesu ṣie.”

Na Jiwheyẹwhe ni zán owẹn godogodo tọn he É ná mí nado ylọ mí tọ́njẹgbonu, ṣigba nado ná mí núhe yè ko dopagbè yetọn lẹpo to Ohó he lọ mẹ, podọ na Gbigbọ lọ ni yí Ohó lọ do basi nugbo ogbẹ̀nọ de na mí. To whenẹnu na “Klisti he to mí mẹ ni yín tódidó gigonọ de,” yèdọ ehe gọ́na whlẹngan po jona pipé po, ehe kọ̀ndopọ́ hẹ Jiwheyẹwhe, bo na kẹalọyí ogbẹ̀, yèdọ ehe na tin hlan ẹn kakadoi.

Dinvie, mì gbọ na yẹn yín dóalọtena po ehe po, dọ, na owanyin he Jiwheyẹwhe tindo hlan mí, yèdọ ehe mẹ yè flí mí gọ̀ te, ni tin to mí omẹ pó mẹ, pannukọn Ewọ podọ pannukọn mínọzo lẹ. Na eyín owanyin wiwé he lọ tin to mí mẹ, whenẹnu bé mì na mọdona núhe yè wlán do Owé 1 KỌLINTINU 13 tọn mẹ. Enẹwutu, hiẹ sọgan yí i zán nado mọdona eyín hiẹ tindo owanyin nẹ lọ kavi lala, na ehe lọ wẹ zinzán he yè hia to finẹ. Na Jiwheyẹwhe jlo nado ná mí onú popo gbọn ojọmiọn dali. Na Oyín Etọn ni yín pipa bo sọ yín zizédaga! Niṣẹ!

Mì gbọ na mí ni fọ́nṣite bo dopẹna Oklunọ po ayiha mítọn po na omẹ dopodopo dogbọn Ohó Etọn dali, na pagbè Etọn dopodopo, podọ na onú popo! Podọ mì gbọ na mí ni wà ẹ po yise po! Enẹwutu, mí nasọ hẹn obiọ odẹ̀ mítọn lẹ tọn jẹ Oklunọ Mẹhe pé e go nado wà onú lẹpo na mí de whladopo dogọ́. Na núdepope matin bọ Ewọ ma sọgan wà gba. Na mí ko sọ sè ga dọ, mí tindo “jlọjẹ gbọn yise dali” podọ “onú lẹpo bọawu.”

Otọ́ Olọn tọn È, yẹn dopẹna We sọn sisósisó ayiha ṣie tọn mẹ dọ, mí tindo jlọjẹ nado plidopọ́ to nukọn Towe! Tódidó mítọn to odò yì jẹ kọ́gudu he mẹ yè ko dè sọn, ṣigba gbọn yise dali mí to pinpọ́n hlan We. Podọ fie mí na nọ̀, mí na wá jẹ finẹ to madẹnmẹ. Oklunọ È, yẹn ko mọ dọ yìyì ṣie ko sẹpọ́, podọ mí omẹ pó ko mọ dọ yìyì mítọn ko sẹpọ́. Mẹplọ́ntọ Dódónọ È, eyín mí sọgan ko gọ́alọna mínọzo lẹ, mí ma do sọgan dóhudo alọgọ́ Towe tọn gba. Podọ eyín mí sọgan ko whlẹ́n mídelẹ, Hiẹ ma na do ko dóhudo nado wá gba. Oklunọ Dódónọ È, mí matindo alọgọ́tọ de mọwẹ mí sọ yín madógannọ. Enẹwutu, Hiẹ go wẹ mí dotudo, ṣigba mí yise to núhe Hiẹ dọ hlan mí to Ohó Towe mẹ, dọ, Yẹn ko flí mì bo ko sọ ylọ mì gbọn oyín mìtọn dali. Podọ ṣie wẹ mìwlẹ yín. Halleluya! Pipa po yẹyi po ni tin hlan Oyín Towe dabla podọ gigonọ lọ! Jiwheyẹwhe Nugbonọ È, kẹdẹdilé Hiẹ ko jona mí mlẹnmlẹn to Klisti Jesu mẹ dó, mọwẹ míwlẹ lọsu sọ jona mínọzo lẹ dó bo ma sọ flín nú jẹ núṣiwà lẹ go ba gba, na Hiẹ ko joylando lẹpo na mí wutu. Mọwẹ, na Hiẹ ko bẹ́ yé do ohù núwinwọn tọn mẹ wutu. O Jiwheyẹwhe È, mí ma sọgan hẹn e go gligli gba! Podọ owanyin Towe klo titegbe bo sọ yín núvivẹ titegbe. Enẹwutu, mì dọnudo We dọ Hiẹ yinwanna mí. Mọwẹ mí ko dọ́ owanyin Towe pọ́n, bo sọ kẹalọyí i.!

Jiwheyẹwhe Nugbonọ Olọn tọn È, na e ni yín didohia to madẹnmẹ dọ, owanyin Towe ko yín kinkọ̀n do mí omẹ pó mẹ gbọn Gbigbọ Towe dali! Oklunọ Nugbonọ È, Hiẹ pé e go nado wà mọ! Halleluya! Gigo ni tin hlan oyín Wiwé podọ Dabla Towe! Halleluya! Pipa ni yín Jiwheyẹwhe tọn! Niṣẹ!