Eshuura y`enyimaho

EBARUHA OKWAKASHATU 2008

Nitwenda kwohereza endamusyo kuruga ahansi yemitima yeitu ahariimwe mweena omunsi yoona omwiziina eririkukirayo omuhendo erya Mukama weitu, Yesu Kristo, hamwe nekyahandikirwe kuruga omuri Isaaya 14:26-27.

“Egyo niyo naama eyagiriirwe ensi yoona kandi ogwo nigwo mukono ogubangiirwe amahanga goona. mbwenu Mukama ow’amahe ku araabe niwe akimarirrire, n’oha orikizibira? Omukono gwe kuguraabe gubangire, n’oha origuhinya?”

MAKAMA Ruhanga ahatari kubanganisa aine entekateeka ngu naaza kureta enkwatanisa namahanga goona, na Isirayeli, hamwe nekanisa. Nitubaasa kukungaanya amahurure ebigarikushohoza okuruga ahakutandika kwo kwezi kwokubaanza ngu ensi eyobyobutegyeki eriyo neteekateeka munonga ahamahanga aga Buharabu agarwagati ya burugwizooba (Middle East). Okukira munonga Yerusalemu niyo ehindukire eshonga nkuru yokuteisaho kandi bakagihanuraaho. George W. Bush akayenzire ngu atebwe ahaiguru omubwebembezi bwe hakiri nobusinguzi bumwe, nkokuhandika endagano rwagati yeihanga rya Buyudaya (Jewish State) hamwe neihanga erisya erya Palesitina (New Palestinian State). Ekibuuzo kiri ngu eki yaaba kiraahikirizibwe omubwiire obuyasigaza. Omukwezi kwokubanza 11, omuruzinduko rwe omu mahanga aga Buharabu agarwagati yaburugwizooba (Middle East), akabugana Tony Blair owabeire amazire omwanya mukye ahindukire entumwa omu mukago gwamahanga ga Bulaya (European Union) ahabwa mahanga ga Buharabu agarwagaati yaburugwizooba (Middle East). Tony Blair akahinduka yaaza omunyikiriza yobukaturiki (Catholicism) omubutongore omukwezi kwa ikumi nebiri 21, 2007, kugira ngu ahagire amahanga gagire amaani. Akatoraana okwikumi nebiri ebiro 21, 2007, ahaizooba niryo rimwe esharo zamahanga gaburugwizooba hamwe na burengyerwa izooba bwamahanga ga Bulaya zasharirweho. Hati obugabe bwensi yoona obwahamu heru nkokubwarebirwe kandi bukaragurwa nabi Daneli (Daneli 2:40) hamwe na Daneli 7:23 buri omubiro byaabwo byokumariira.

Endagaano ya Rooma eyomukwezi kwa Kashatu 25,1957, etirweho emikono amahanga mukaga agagitandikireho nibwo burugo bwa Bulaya eyegisire (United Europe). Buri ihanga ahamahanga abiri na mushanju hati agari omukago gwamahanga ga Bulaya (European Union) gaherize kuta omukono gwago ahakiragiro kya Rooma (Roman statute). Nangwa neicweero ryemanja ryensi yoona (World Court), eicweero ryemanja eririkukirayo omunsi yoona,ryegamire “Ekiragiro kya Rooma eicweero ryemishango ryensi yoona ryoburinganiza.” Ahanyima yenyiriri 128, ahamuheru “kikakorerwa omuri Rooma omukwezi kwa mushanju 17, 1998.”

Rediyo ya Vatikani ekaranga kurabira ahamutimbagano gwa Intaneti omukwezi kwa kabiri 18,2008 ngu Paapa Benedikito owa ikumi namukaaga (XVI) ku arikuza kutayagira Amerika (USA) okwezi kwa kana 15-21. Ahabibarikuza kuhanuraho harimu okugamba kwa Paapa hamwe nomwebembezi George W. Bush “okubakuretaho obusingye omumahanga ga Buharabu agarwagati ya Burugwizooba” (Middle East).

Vatican eyine ekigyendererwa kyokuta Yerusalem aha rurengo rw’ensi yoona.

omwanya ogubarikwenda kushanjura gurimu orushozi rwa hekaru(temple mountain) kugyendera kimwe aha rushozi Sayuni. kiri aha bintu bibiri, kandi byona biri hamwe: Ekyokibanza “n’endagaano” ekwatirine nokubaganisa obutaka, nkoku kyaragwirweho omubunabi kandi kirikuza kureta n’omushango,

“… mbacwerereyo orubanja, nimbatura abantu bangye Israeli, ahabwokubataataanisiza omu mahanga, bakabaganisa ensi yangye”. (Yoeli 3:2)

Ekyakabiri nokwikirizana ahamuringo ogu Yerusalemu erimu. Omwaka ogu Israeli neyijuka emyaka 60 okwiha nehinduka eihanga eryotongweire omu mwaka ogwa 1948. Endagaano yobusingye eri haihi kuhikwaho kandi neza kuba erimu amadini ashatu g’ensi yoona ag’enyikiriza ye kiyudaaya(Judaisim), obukristayo(Chrisianity), hamwe n’obusiramu(Islam) hamwe “nemyanya yabo erikwera”. Baibuli negamba ahandagaano, “ogwo mutegyeki aryaragaana na baingi endagaano ehamire, emare sabiiti emwe…” (Daniel9:27). Orushozi orwabaire ruriho hekaru (temple mountain) nirutwarwamu nk’omwanya oguri kwera batari bayudaya bonka, abari kukora ekyo ahaabwobushoborozi bwaabo obu bayehereirwe Ruhanga aha bwokuba hekaru ya kashatu neza kushuba neyombekwa aha musingi gwaayo ogweira ogundi murundi- kandi orushozi oru nirushuba rubarwa nk’omwanya oguri kweera abe dini y’obusiraamu barikuritwarira hamwe na Mecca na Madina. Egi omumazima neza kuba eri endagaano y’okuretaho obusingye omu madini. Reeru ekyahandikyirwe ekyo mu ba 1 abatesolanika 5:3 kihikirire, “kubaliba nibagyira ngu n’obusingye, tihariho kabi, obwo nibwo okucwekyerera kuribagwaho, nk’oku ebisha bikwata omukazi ori kurumwa kuzaara, kandi tibarikyira na kakye.”

Titurikuza kugyenda munonga ahakyokwega eki omu kaire aka. nimpandikira omu kishushwani kyo kureba ngu ekikweka kya Israeli kya aha muheru kiriyo ni kitandika; reeru kandi ekikweka ekye kanisa ekyo kumarira nakyo kyaherize kwirira haihi. Ebintu ebi byona ebiri kubaho omu bunaku obu, nkaitwe barikumanya ebya handikirwe by’obunabi nituhurira ebide by’emperu nibigamba. Ogundi murundi nikibasa kugambwa ngu, “Kandi ebi kubiritandika kubaho, mureebe ahaiguru, mwimutsye emitwe yanyu, ahakuba okucungurwa kwanyu kuryaba kuri haihi.” obwire obwekanisa ni bwiririra kubaho Ruhanga naza kuhindukira Israeli kurigirira aha ntebekanisa y’okujunwa (Ebyakozirwe 15:16, Abarooma 11:25). Ekanisa y’omugore nebaasa kureba ekikweka kyo kubanza ni kihikirira konka kutari kuhikirira kw’endagaano, nkoku kihandikiwe omuri Danieli 9:27, aha bwokuba ekanisa neza kutwarwa ekyo kitakabeireho. Oweishemwe Branham omu kwezi Kwa kashatu 18, 1963, akagamba ngu “Ekanisa kweriheza kugyenda, Rooma hamwe n’bayudaya baryakora endagaano hamwe” Nitubuza “Omurinzi kandi ebyanyekiro?” Ekyo kugarukamu kiri ngu obusheeshe bweizire…” (Isaaya 21:11-12). Okukaka kweyongyeire ahaiguru, “reba kishwera yaizire.” Okubara nogaruka ahansi ni kugyenda omu maisho.

Nikyetengwa munonga kugira ngu twetegyereze puraani ya Ruhanga y’okujunwa kandi tuze omu myanya ei twateketekyeirwe nemisingye yensi etakabeireho. Okuruga omubutahwaho (Ebyakozirwe 15:18), ebi byona bitakabaireho, n’omusingye gw’ensi gutakabaireho, Ruhanga aka korera omuntu entebekanisa hamwe n’entebekanisa yokujunwa kw’ekanisa ye.

Omucunguzi aka tebwaho n’omusingyi gw’nsi gutakabaireho (Yohaana 17:24; 1 Petero 1:20)

Abatoreinwe nabo bakatoranwa omusingye gw’ensi gutakabeireho (Abaefeso 1:4)

Amaziina gaabo gakahandikwa omu kitabo kyo mwana gw’entaama kya magara omusingye gw’ensi gutakabeireho (Okushururwa 13:8)

Yesu akatandika kwegyesa enaama ezi n’omusingye gw’ensi gutakabeireho (Matayo 13:35)

Entebekanisa egi nerugirira kimwe aha kutandika kuhikira kimwe aha muheru, kwija kutahirira kimwe omu butahwaho.

Omukyahandikirwe ekitwagambaho omukwanjura, enshonga enkuru n’entebekanisa ya Ruhanga kandi n’ekibuzo ekikuru “…nooha oragizibire?” Okuruga aha kutandika omuzigu agyerizeho kuzibira egi ntebekanisa. Kikatandika n’obujeemi bwe omwiguru kandi kigumizamu nomunsi nokuhitsya nerizooba. Buri kintu kyoona kihandikirwe omuri baiburi, kuruga aha shuura y’okubanza okuhikira kimwe aha shuura ya hamuheru, hamwe namazima agari kuhamya okugwa kwa Lusafeli hamwe nokugwa kwomukibanja Edeni nobukurabe nikutworekwa kurabira omu nfumu hamwe n’ebishushwani ebyobuhangwa. Ahari ebi bibiri hariho amazima gamwe: oba Ruhanga okushuuruurira entebekanisa ye ezi entumwa yayeteire, entumwa hamwe na banabi, abashemereire kuranga okuhabura kwe, ninga shi abanyadini hamwe nabahandiki kuhereza okuvunuura okwa magezi gaabo. Obutwire bwoona habaho ekyokugarukamu (answer) kimwe ekihikire kandi kiri kuhamibwa omu kigaambo kya Ruhanga.

“Buzimazima Mukama RUHANGA takora kintu kyona, atabandize kukishuuruurira bairu be baanabi”. (Amosi 3:7)

“Naimwe, kumuraabishome, nimwija kwetegyereza okunaamanyire enaama ya Kristo etalamanyirwe bantu ira ryona, nk’oku hati eshuruuriirwe entuma ze eziri kwera na baanabi omu mwoyo…” (Abaefeso 3:4-5)

“…enaama ya Ruhanga eryahikirizibwa nk’ebigambo ebirungi okubiri ebiyaagambire abahereza be baanabi. (Okushuuruurirwa 10:7)

Orutaro oruhago kandi orwamani rwokugyezaho kuzibira egi ntebekanisa rukandikira omwiguru. Okwe sitaani akekuza kwenda kuhika ahakugira ngu akire Ruhanga. Malaika womushana, Keerubi ashukirweho amajuta, omwana wobusheshe akekuza kandi yayetenga kutandikaho obugabe obwe aha rubaju rwo bwa Mukama Ruhanga owo bushuborozi bwoona, arikwenda ngu ayingane na Ruhanga rukira boona. Okuruga aha kutandika ekigyendererwa kya sitaani kituura kiri ekyo kuremesa entebekanisa ya Ruhanga. Omushuura egi eya 14 omu kitabo kya nabi Isaaya nitushoma aha kugwa kwa sitaani (vv12-21), reero kandi tushuba tugambirwa ekigyenderwa kya Ruhanga omu nyiriri 26-27 nkoku kyorekirwe omukyahandikirwe ekya yanjurwa.

Nobu kiraabe kihandikirwe omumuringo ogutari kwetegyerezibwa, okugwa kwa Lusafeli nikushuba kugambwaho omuri Ezekieli 28:11-15. Nobu kirabe kiri kisyo, okweyongera kushoborora aha Lusafeli nikweyongera kurebeka butunu obwe twakushuuruurirwa omwoyo orikwera wa Ruhanga. Akahangwa Ruhanga, yahundwa namabaare gobuguzi bwingi, akaba ari ekishushwani kyo kuhikirira kandi akaba ari omuri Edeni, ekibanja kya Ruhanga. Okuruga aha kutandika Lusafeli akaba nabasa kuhika omwiguru hamwe nomu paradiiso yomunsi. “Okwiha obu wahangwa, okaba otagyira kamogo omumitwarize yaawe, okuhitsya obu waareebirwemu okutahikirira.” (Ezekieli 28:15)

Ekyabireho omuri paradiiso nikyongyera kworekwa bitunu kandi omu muringo gw’enaama. Okwe sitaani, malaika owagwire omu muringo gw’omwoyo akataaha kandi yakozesa kubi enjoka okugyira ngu ebeihabeihe Eva reero ebone okuyashenshera omuruganda rwa bantu kurabira omu kubihabiha, ekyarugyiremu yaretera ensi yoona kugwa-okutaana kw’omuntu na Ruhanga. okuruga obwe tikyayetengesa kushuba kuronda obukomooko bwe kibi, endwara, ninga shi okubonabona. Tihariho muntu nomwe owabire arahurireho obusasi bwoona ninga shi okufa. Okwiha obu omuntu yaagwa, buri muntu nazarirwa omu muringo nigwo gumwe nk’ogwomukibi ekyabandize. Daudi akataka nagira ati “Reeba, nkahangirwa omu kutahikiirira n’omukibi maawe nimwo yanzaariire.” (Zaaburi 51:7) Mukama Ruhanga akahanga ba malaika hamwe nabantu baine obugabe bwokweshariramu nkoku kyabaire kiri na Adamu, owayorobire eiraka rya Eva, nkoku Eva nawe yayorobeire eiraka ry’enjoka. Eva akaba aine omugisha gw’okutoranaho omuhanda ogu aratoore kandi naitwe eki nikitukwataho.

Okuruga aha kubaihwa okwokubanza omukibanja Edeni buri kishuba kyoona nikigaruka owomunyabishuba omukuru, ahari sitaani, obe ekishuba kiri omu muringo gw’omubiri oba ogw’omwoyo nari shi okurabira omu muntu wena owekishuba kyarabiramu. Omuzigu ashubire yayegaruriza obushoborozi bwoona omunsi. Nomubihi wensi yona (okushuuruurwa 12:9); ahindukire omwana womugabe kandi ruhanga wensi egi ey’omwirima okuhitsya ekyahandikirwe eki kirahikirire, “Malaika owa mushanju yaateera enzamba; haabaho amaraka mahango omwiguru nigagira gati: obukama bw’ensi bwahinduka obwa mukama waitu n’obwa Kristo we, kandi aryaguma ahangoma ebiro n’ebiro”. (Okushuuruurwa 11:15)

Nkoku hariho encwamu erikugira ngu abantu bokubanza bakabaho aha bwamagezi gomubi, norufu rukatungiraho omuhanda gwokutaha omuri abo bantu. Kurabira omuri Yesu Kristo, Adamu wakabiri, tukagarurirwa amagara gatahwaho. “ahakuba nkoku okufa kwareetsirwe omuntu, nikwo okuzooka kw’abafu kwareetsirwe omuntu. Nkokuboona bafa omuri Adamu, nikwo n’omuri Kristo boona barihindurwa abahuriire.” (1 Abakolinso 15:21-22) Ruhanga, ori omwoyo, akaija omu bantu kurabira omuri Kristo, omwana we omwe wenka. Nigwo muhanda gumwe gwonka ogutwakucungurirwemu okuruga omu kugwa.

Abo boonka abaherize kutunga amagara gatahwaho ahabwokwebuganira okujunwa nibabaasa kandi nibaija kubaho ebiro byoona. “Kandi oku nikwo kuhamya oku, ngu Ruhanga akatuha amagara ago gari omu mwana we. Omuntu oyine ogwo mwana niwe aine amagara; otaine mwana wa Ruhanga taine magara.” (1 Yohaana 5:11-12)

Nahanyima y’okugwa, sitaani, nk’ekihangirwe ky’omwoyo, akaba nakibasa kuza omwiguru akaza omunkiiko na bamaraika. Omuri Yobu 1:6 nitushoma ngu “Eizoba rimwe abaana ba Ruhanga bakaija kwemurika ahari Mukama, na sitaani yabaijamu.” Mukama akagamba nawe kandi enshonga ekaba eri omuhuuku wa Ruhanga, Yobu. Ekintu nikyo kimwe nitukishanga omu shuura ya 2: “Kandi ahaizoba erindi abaana ba Ruhanga bakaija kwemurika ahari Mukama, na sitaani yabaijamu…” Tiguri murundi gumwe gwonka kureka emirundi myingi omuzigu wa Ruhanga akaba aba ari nabamaraika, abaana ba Ruhanga, ababaire bateranire omwiguru.

Nomubwire obwe ndagaano ensya, omuzigu, nkomuregi wabeishemwe nahati nakibasa kuza omwiguru. Nobukiraabe kiri kisyo,okwe omucunguzi waitu ariyo nk’omuterani wendagaano ensya (Abaheburaayo 8:6), kandi natugambirira nk’omutonganizi waitu (1 Yohaana 2:1). Nobukiraabe ngu mukama waitu akasingura sitaani kandi yamureeba nahanuka kuruga omwiguru (Yohaana 12:31), sitaani ogwe aha muheru naija kunagwa aheeru ebiro byoona abasinguzi kubaritwarwa ahaiguru: “Ekijoka ekyo ekihango ekya ira, ekirikwetwa omuregi, kandi sitaani, orikugobeza ensi yoona: yaanagwa ohansi, hamwe na baamaraika” (Okushuuruurwa 12:7-12). Sitaani ashuumire nekikweka kimwe kya baamaraika abamworobeire. Nahabwekyo hati twine kurwana n’emyoyo hamwe namaani g’omwirima ebiherize kusingurwa kwonka bitari kwenda kuhanika, kandi twine kugumizamu n’orutaro turi kuyambwa ebyokurwanisa ebya Ruhanga okuhitsya obu turasingure. (Abaefeso 6:12-20)

Eshuura eri kukurataho